ട്രാഫിക് നിയമ ലംഘനത്തിന് നാഗ ചൈതന്യയില്‍ നിന്ന് പിഴയീടാക്കി ഹൈദരാബാദ് ട്രാഫിക് പൊലീസ്. 715 രൂപ ഈടാക്കിയതെന്നാണ് റിപ്പോര്‍ട്ട്. ഹൈദരാബാദ് ജൂബിലി ഹില്‍സ് പോസ്റ്റില്‍ വെച്ചാണ് നാഗ ചൈതന്യയില്‍ നിന്ന് പൊലീസ് പിഴ ഈടാക്കിയത്. തന്റെ ടൊയോട്ട വെല്‍ഫയര്‍ കാറിന്റെ ഗ്ലാസില്‍ കറുത്ത ഫിലിം പതിപ്പിച്ചിരുന്നു. ഇതിനാണ് പിഴയടച്ചത്.
അതേസമയം നാഗ ചൈതന്യ ആദ്യമായി അഭിനയിക്കുന്ന ഹിന്ദി സിനിമ റിലീസിന് ഒരുങ്ങുകയാണ്. ആമിര്‍ ഖാന് ചിത്രം ‘ലാല്‍ സിംഗ് ഛദ്ധ’യിലാണ് നാഗ ചൈതന്യയും അഭിനയിക്കുന്നത്. ഓഗസ്റ്റില്‍ ചിത്രം റിലീസ് ചെയ്യും. കരീന കപൂറാണ് നായികയായി എത്തുന്നത്. ടോം ഹങ്ക്‌സിന്റെ ‘ഫോറസ്റ്റ് ഗംപ്’ എന്ന സിനിമയുടെ ഹിന്ദി റീമേക്കാണ് ‘ലാല്‍ സിംഗ് ഛദ്ധ’. 1994ല്‍ പ്രദര്‍ശനത്തിന് എത്തിയ ചിത്രം വന്‍ ഹിറ്റായിരുന്നു. തുര്‍ക്കി ആയിരുന്നു ചിത്രത്തി്‌നറെ ലൊക്കേഷന്‍.
Read more
അദ്വേത് ചന്ദനാണ് ‘ലാല്‍ സിംഗ് ഛദ്ധ’യുടെ സംവിധായാകാന്‍. ആമിര്‍ ഖാന് പ്രൊഡക്ഷന്‍സ് ബാനറിലാണ് നിര്‍മാണം. കൊവിഡ് കാരണമായിരുന്നു ചിത്രത്തിന്റെ ഷൂട്ടിംഗ് വൈകിയിരുന്നു. ആമിര്‍ ഖാന് ഏറെ പ്രതീക്ഷയുള്ള ചിത്രമാണ് ‘ലാല്‍ സിംഗ് ഛദ്ധ’. ഇതിനോടൊപ്പം നാഗ ചൈതന്യയുടേതായി ‘താങ്ക് യു’ എന്ന ചിത്രം റിലീസ് ചെയ്യാനുണ്ട്.
