പൃഥ്വിരാജ് കന്നി സംവിധാന സംരംഭം ലൂസിഫര്‍ 200 കോടി കളക്ഷന്‍ നേടി മലയാള സിനിമയുടെ യശ്ശസുയര്‍ത്തിയ ചിത്രമാണ്. സിനിമ ആമസോണ്‍ പ്രൈമില്‍ റിലീസ് ചെയ്തപ്പോളും ടെലിവിഷന്‍ പ്രീമിയര്‍ ചെയ്തപ്പോഴും വലിയ രീതിയിലുള്ള പ്രേക്ഷക പങ്കാളിത്തം ലഭിക്കുകയുണ്ടായി. ഇപ്പോഴിതാ കൂടുതല്‍ വെളിപ്പെടുത്തലുകള്‍ നടത്തിയിരിക്കുകയാണ് തിരകഥാകൃത്ത് മുരളി ഗോപി. ലൂസിഫറിന്റെ കഥ രണ്ട് ഭാഗങ്ങളില്‍ തീരില്ല എന്നും മൂന്നാമത് ഒരു ഭാഗം കൂടി ഉണ്ടാകുമെന്നും അറിയിച്ചിരിക്കുകയാണ് മുരളി ഗോപി.ഇതോടെ ചിത്രത്തിന് ഇപ്പോള്‍ ഉണ്ടായിരുന്ന ഹൈപ്പ് ഇരട്ടിയായിരിക്കുകയാണ്.
ലൂസിഫറിന്റെ രണ്ടാം ഭാഗം എമ്പുരാന്‍ എപ്പോഴെത്തെമെന്ന് ആകാംഷയോടെ കാത്തിരിക്കുകയാണ്് ആരാധകര്‍. ലൂസിഫറിനേക്കാള്‍ വലിയ സിനിമയായിരിക്കും എമ്പുരാന്‍. അതിനാല്‍ തന്നെ ഷൂട്ടിന് മുമ്പുള്ള ജോലികളാണ് കൂടുതല്‍. ലൂസിഫറിന്റെ കാര്യത്തില്‍ ഏറ്റവും എളുപ്പമുള്ള ഭാഗം ഷൂട്ടിംഗ് ആയിരുന്നു. ചിത്രീകരണത്തിന് ആറ് മാസം മുമ്പ് നടന്ന തയ്യാറെടുപ്പാണ് അതിനെ അത്ര എളുപ്പമാക്കിയത്.
Read more
ലാലേട്ടന്റെ വീട് ആയിരിക്കും എന്റെ ഓഫീസ്. അത് ലൂസിഫറിന്റെ സമയത്തും അങ്ങനെ ആയിരുന്നു. ലൂസിഫര്‍ പോലെ തന്നെ ഒരുപാട് ലൊക്കേഷനുകളുണ്ട് ഈ സിനിമയ്ക്കും. കേരളമായിരിക്കും പ്രധാന ലൊക്കേഷന്‍.
