ഹിറ്റ് ചിത്രം ദൃശ്യത്തിന് ശേഷം മോഹന്ലാലും ജീത്തു ജോസഫും ഒരുമിക്കുന്ന പുതിയ സിനിമയെക്കുറിച്ചുള്ള പുതിയ റിപ്പോര്ട്ടുകള് പുറത്തുവന്നിരിക്കുകയാണ്.
മോഹന്ലാലും ജീത്തു ജോസഫും ഒന്നിക്കുന്ന ചിത്രം ഡിസംബറില് ചിത്രീകരണം തുടങ്ങുമെന്നാണ് അറിയുവാന് കഴിയുന്നത്. ഏറ്റവും കൂടുതല് മുതല് മുടക്കില് അണിയിച്ചൊരുക്കുന്ന ജിത്തുജോസഫ് ചിത്രമാണിതെന്നും ചിത്രത്തില് നായികയായി എത്തുന്നത് തൃഷ ആകുവാന് ആണ് സാധ്യത.
നിവിന് പോളി നായകനായ ഹേയ് ജൂഡിലൂടെ മലയാളത്തില് തൃഷ അരങ്ങേറ്റം കുറിച്ചിരുന്നു.മോഹന്ലാലും തൃഷയും ഒന്നിക്കുവാനായി കാത്തിരിക്കുകയാണ് ആരാധകര്.മലയാളി നായിക ദുര്ഗ കൃഷ്ണയും ഈ ചിത്രത്തിന്റെ ഭാഗമാകുമെന്നാണ് ലഭിക്കുന്ന റിപ്പോര്ട്ട്.ഈ ചിത്രം നിര്മ്മിക്കുന്നത് ആശിര്വാദ് ഫിലിംസ് തന്നെയായിരിക്കും എന്ന് പ്രതീക്ഷിക്കുന്നു.
Read more
മോഹന്ലാലിന്റെ മകനായ പ്രണവ് മോഹന്ലാലിന്റെ ആദ്യചിത്രമായ ആദി സംവിധാനംചെയ്തതും ജിത്തു ജോസഫ് തന്നെയായിരുന്നു. മോഹന്ലാല് ചിത്രത്തിനായി ആരാധകര് ഒന്നടങ്കം കാത്തിരിക്കുകയാണ്.ചിത്രം ജീത്തുവിന്റെ കരിയറിലെ തന്നെ ഏറ്റവും വലിയ ചിത്രമായി കണക്കാക്കപ്പെടുന്നു.കേരളത്തില് കൊച്ചിയോടൊപ്പം യു കെ,ഈജിപ്ത് എന്നിവിടങ്ങളിളും ചിത്രം ഷൂട്ട് ചെയ്യും എന്നാണ് ഇപ്പോള് കിട്ടുന്ന റിപ്പോര്ട്ട്.ഏകദേശം നൂറ് ദിവസത്തോളം നീണ്ടു നില്ക്കുന്ന ഷൂട്ടും ചിത്രത്തിന് കാണുമെന്നാണ് പറയപ്പെടുന്നത്.