മകളെ ശ്വാസം മുട്ടിച്ച് കൊന്ന ശേഷം നടി തൂങ്ങി മരിച്ചു. മറാത്തി നടി പ്രദ്ന്യാ പാര്ക്കറാണ് മകള് ശ്രുതിയെ (17) കൊന്ന ശേഷം ആത്മഹത്യ ചെയ്തത്. വെള്ളിയാഴ്ചയാണ് സംഭവം. രാവിലെ ജിമ്മില് നിന്ന് തിരിച്ചെത്തിയ ഭര്ത്താവാണ് ഇരുവരെയും വീട്ടില് മരിച്ച നിലയില് കണ്ടെത്തിയത്.
കുറച്ച് കാലങ്ങളായി സീരിയല് രംഗത്ത് നിന്ന് വിട്ടു നില്ക്കുകയായിരുന്നു പ്രദ്ന്യാ. ഭര്ത്താവിന് സാമ്പത്തിക പ്രശ്നങ്ങള് ഉണ്ടായതിനാലും സീരിയല് രംഗത്ത് അവസരം കുറഞ്ഞതിനാലും പ്രദ്ന്യ വിഷാദത്തിലായിരുന്നു. ഭര്ത്താവിന് മറ്റൊരു സ്ത്രിയുമായി ബന്ധമുണ്ടായിരുന്നുവെന്നും അത് പ്രദ്ന്യയെ വല്ലാതെ അലോസരപ്പെടുത്തിയിരുന്നു എന്നും റിപ്പോര്ട്ടുകളുണ്ട്.
Read more
പ്രദ്ന്യയുടെ മുറിയില് നിന്ന് ആത്മഹത്യാ കുറിപ്പ് കണ്ടെടുത്തിട്ടുണ്ട്. എന്നാല് അതിലെ വിവരങ്ങള് പൊലീസ് പുറത്ത് വിട്ടിട്ടില്ല. പ്ലസ്ടു വിദ്യാര്ഥിനിയാണ് ശ്രുതി. സീരിയലുകള്ക്ക് പുറമെ ഏതാനും മറാത്തി ചിത്രങ്ങളിലും പ്രദ്ന്യ അഭിനയിച്ചിട്ടുണ്ട്.