കോവിഡ് ലോക്ഡൗണിനിടെ അടച്ച ഫിറ്റ്നസ് സെന്ററുകള് തുറന്നതോടെ വീണ്ടും ജിമ്മിലെത്തി നടന് മണിക്കുട്ടന്. സ്വന്തം ആരോഗ്യം സംരക്ഷിച്ച് പ്രതിരോധ ശക്തി കൂട്ടി വേണം കോവിഡിനെതിരെയുള്ള പോരാട്ടത്തില് നമ്മള് പങ്കുചേരാന് എന്നാണ് മണിക്കുട്ടന് സോഷ്യല് മീഡിയയില് കുറിച്ചിരിക്കുന്നത്.
“”ലോക്ക്ഡൗണിനു ശേഷം വീണ്ടും ജിമ്മിലേയ്ക്ക്, എല്ലാ മെഷീനുകളും സംവിധാനങ്ങളും അണുവിമുക്തമാക്കി വളരെ നല്ലരീതിയില് കോവിഡ് മാനദണ്ഡങ്ങള് പാലിച്ചു നടത്തുന്ന തിരുവനന്തപുരം ജോണ്സ് ജിമ്മിന് എല്ലാ വിധ ആശംസകളും. അപ്പൊ എല്ലാവരും കൊറോണയ്ക്കെതിരായിട്ടുള്ള പോരാട്ടത്തില് നമ്മളാല് കഴിയുന്ന രീതിയില് സ്വന്തം ആരോഗ്യം സംരക്ഷിച്ചു പ്രതിരോധശക്തി കൂട്ടി ഈ പോരാട്ടത്തില് പങ്കു ചേരുക”” എന്നാണ് മണിക്കുട്ടന്റെ കുറിപ്പ്.
ജിമ്മിലെത്തി വര്ക്കൗട്ട് ചെയ്യുന്ന ചിത്രങ്ങളും മണിക്കുട്ടന് പങ്കുവെച്ചിട്ടുണ്ട്. മാസ്ക് ധരിച്ചാണ് താരത്തിന്റെ വര്ക്കൗട്ട്. എന്നാല് മാസ്ക് ധരിച്ചു കൊണ്ട് വര്ക്കൗട്ട് ചെയ്യരുതെന്ന ഉപദേശങ്ങളും ചില ആരാധകര് താരത്തിന് നല്കുന്നുണ്ട്. അത് മറ്റു പല അസുഖങ്ങള്ക്കും കാരണമാകുമെന്നുമാണ് ചില കമന്റുകള്.
https://www.facebook.com/ManikuttanOfficial/posts/2783772895235342
Read more
“കായംകുളം കൊച്ചുണ്ണി” എന്ന സീരിയയിലൂടെയാണ് മണിക്കുട്ടന് അഭിനയരംഗത്തേക്ക് എത്തിയത്. “ബോയ്ഫ്രണ്ട്” എന്ന വിനയന് ചിത്രത്തിലൂടെ ബിഗ് സ്ക്രീനിലെത്തിയ താരം ശ്രദ്ധേയമായ വേഷങ്ങള് ചെയ്തിട്ടുണ്ട്.