മണിരത്നത്തിന്റെ സ്വപ്നചിത്രം “പൊന്നിയില് സെല്വന്റെ” ഷൂട്ടിങ് തായ് ലന്ഡില് ആരംഭിച്ചു. തായ് ലന്ഡില് 40 ദിവസത്തെ ഷൂട്ടിംഗ് ഉണ്ടായിരിക്കുമെന്നാണ് റിപ്പോര്ട്ടുകള്. ചോള സാമ്രാജ്യത്തിലെ രാജാവായിരുന്ന അരുള്മൊഴിവര്മ്മനെ കുറിച്ചുള്ള കല്ക്കി കൃഷ്ണമൂര്ത്തിയുടെ “പൊന്നിയിന് സെല്വന്” എന്ന കൃതിയെ ആരാധമാക്കിയാണ് ചിത്രം ഒരുക്കുന്നത്.
ബ്രഹ്മാണ്ഡ ചിത്രത്തിനായി ഗംഭീര കാസ്റ്റിംഗാണ് മണിരത്നം നടത്തുന്നത്. വിക്രം, ജയംരവി, കാര്ത്തി, അഥര്വ, ഐശ്വര്യ റായി, നയന്താര, അനുഷ്ക ഷെട്ടി, തൃഷ, റാഷി ഖന്ന, സത്യരാജ്, പാര്ത്ഥിപന്, ശരത്കുമാര് തുടങ്ങി വമ്പന് താരങ്ങളെയാണ് സ്വപ്ന ചിത്രത്തിലേക്ക് മണിരത്നം കാസ്റ്റ് ചെയ്തിരിക്കുന്നത്. ചിത്രത്തിലുണ്ടായിരുന്ന നടി കീര്ത്തി സുരേഷ് പൊന്നിയിന് സെല്വനില് നിന്നും പിന്മാറിയതായാണ് വിവരം. രജനികാന്തിന്റെ 168-ാം ചിത്രത്തില് നായികയായെത്തുന്നതിനാലാണ് കീര്ത്തി പിന്മാറിയതെന്നാണ് റിപ്പോര്ട്ടുകള്.
Read more
ചോള സാമ്രാജ്യത്തിലെ രാജാവായിരുന്ന അരുള്മൊഴിവര്മ്മനെ (രാജരാജ ചോളന് ഒന്നാമന്) കുറിച്ചുള്ളതാണ് ഈ നോവലാണ് “പൊന്നിയിന് സെല്വന്”. 2400 പേജുകളുള്ള ഈ നോവല് തമിഴിലാണ് രചിക്കപ്പെട്ടിട്ടുള്ളത്. അഞ്ചുഭാഗങ്ങള് ഉള്ള ബ്രഹ്മാണ്ഡ നോവലാണ് ഇതെന്നതിനാല് അതു ചുരുക്കി, രണ്ട് ഭാഗങ്ങളുള്ള സിനിമയാക്കാനാണ് മണിരത്നത്തിന്റെ ശ്രമം. ലൈക പ്രൊഡക്ഷന്സാണ് നിര്മ്മാണം.