മമ്മൂട്ടി നായകനായി എത്തുന്ന പുതിയ ചിത്രം ഉണ്ടയുടെ രസകരമായ ഫോട്ടോ ഷൂട്ട് വീഡിയോ അണിയറ പ്രവര്ത്തകര് പുറത്തു വിട്ടു. ചിത്രത്തില് ഒരു പ്രധാന കഥാപാത്രമായി സംവിധായകന് രഞ്ജിത്തും എത്തുന്നുണ്ട്. മമ്മൂട്ടി അവതരിപ്പിക്കുന്ന പൊലീസ് കഥാപാത്രത്തിന്റെ സുപ്പീരിയര് ഓഫീസറായാണ് ചിത്രത്തില് രഞ്ജിത്ത് എത്തുക. സി.ഐ മാത്യൂസ് ആന്റണി എന്നാണ് രഞ്ജിത്ത് അവതരിപ്പിക്കുന്ന കഥാപാത്രത്തിന്റെ പേര്.
രഞ്ജിത്തിന്റെ ക്യാരക്ടര് പോസ്റ്റര് അണിയറ പ്രവര്ത്തകര് പുറത്തുവിട്ടിട്ടുണ്ട്. ഖാലിദ് റഹമാന് സംവിധാനം ചെയ്യുന്ന ചിത്രത്തില് സബ് ഇന്സ്പെക്ടര് മണികണ്ഠന് സി.പി എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്.
അനുരാഗ കരിക്കിന്വെള്ളത്തിനു ശേഷം ഖാലിദ് റഹമാന് ഒരുക്കുന്ന ചിത്രം ഛത്തീസ്ഗഢിലേക്ക് തിരഞ്ഞെടുപ്പ് ജോലിക്ക് പോകുന്ന മലയാളി പൊലീസ് സംഘത്തിന്റെ കഥയാണ് പറയുന്നത്. ഹര്ഷാദാണ് ചിത്രത്തിന് തിരക്കഥ ഒരുക്കിയിരിക്കുന്നത്.