വനിതയുടെ പുതിയ ലക്കത്തിന്റെ മുഖചിത്രം പുറത്തു വന്നതോടെ അമ്പരന്നിരിക്കുകയാണ് മമ്മൂട്ടി ആരാധകര്. ഇതിന് പിന്നാലെ സിനിമാമോഹികളുടെ ഫെയ്സ്ബുക്ക് പേജിലെ ഒരു കുറിപ്പും ചര്ച്ചയാവുകയാണ്. അല്പം പരിഭവമാണ് ഇതില് പങ്കുവെയ്ക്കുന്നത്.ചില കാര്യങ്ങള് പറയാതെ സൂക്ഷിക്കാമായിരുന്നില്ലേ എന്നും കുറിപ്പില് ചോദിക്കുന്നു.
കുറിപ്പ്:
മമ്മുക്കയുടെ സ്ത്രീരൂപത്തിലുള്ള ഒരു ചിത്രം മാമാങ്കം സിനിമയുടെ അണിയറക്കാര് പുറത്തു വിടുകയുണ്ടായി. അത് ചെയ്യേണ്ടിയിരുന്നില്ല എന്നാണ് എന്റെ അഭിപ്രായം.. ചിലതൊക്കെ മുന്വിധികളോ പ്രതീക്ഷയോ ഇല്ലാതെ സ്ക്രീനില് കാണുമ്പോഴാകും ഭംഗി. അതാകും മികച്ച ആസ്വാദനം. എങ്കില് അവര് പ്രതീക്ഷിച്ച ഹൈപ്പ് കിട്ടിയിട്ടുണ്ട് ഈ ചിത്രത്തിലൂടെ. പക്ഷേ അത് ഞാനടങ്ങുന്ന പ്രേക്ഷകരുടെ ആസ്വാദനത്തെ എത്രമേല് ബാധിക്കുമെന്ന് കണ്ടു തന്നെ അറിയണം. കുറച്ചു കൂടി പക്വത ആകാമായിരുന്നു. ഇതിനൊക്കെ ശങ്കര് എന്ന സംവിധായകനെ കണ്ട് പഠിക്കണം മലയാളികള്..
അയാളുടെ സിനിമയിലെ സര്പ്രൈസുകള്ക്ക് അയാള് സ്വീകരിക്കുന്ന രഹസ്യസ്വഭാവം ഇന്ത്യയിലെ മുഴുവന് നിര്മ്മാതാക്കള്ക്കും സംവിധായകര്ക്കും ഒരു പാഠ പുസ്തകമാണ്. അന്ന്യനിലെ വില്ലനെയും ശിവാജിയിലെ മൊട്ടബോസ്സിനെയും ഐ യിലെ സുരേഷേട്ടനെയും പ്രേക്ഷകര് പ്രതീക്ഷിക്കാതെ കണ്ട് ഞെട്ടിയ സീനുകളാണ്. മറയ്ച്ചു വെയ്ക്കേണ്ടവ മറയ്ച്ചു തന്നെ വെയ്ക്കണം. എങ്കിലും ഈ പ്രായത്തിലും അഭിനയത്തില് പരീക്ഷണങ്ങള് നടത്തുന്ന മമ്മുക്കക്ക് കൈയടിച്ചേ മതിയാകു.
Read more
https://www.facebook.com/permalink.php?story_fbid=2577276519168701&id=100006591340949