കസബയെയും മമ്മൂട്ടിയെയും ചലച്ചിത്രോത്സവ വേദിയിലെ ഓപ്പണ്‍ ഫോറത്തില്‍ വിമര്‍ശിച്ച പാര്‍വതിക്ക് മമ്മൂട്ടി ആരാധകരുടെ തെറി അഭിഷേകം. തന്റെ പ്രതിഭ തെളിയിച്ച ഒരു മഹാനടന്‍ സ്‌ക്രീനില്‍ സ്ത്രീകളോട് അപകീര്‍ത്തികരമായ ഡയലോഗുകള്‍ പറയുന്നത് സങ്കടകരമാണെന്നും ഒരു നായകന്‍ പറയുമ്പോള്‍ അത് മഹത്വവല്‍ക്കരണവും മറ്റു പുരുഷന്‍മാര്‍ക്ക് ഇതേകാര്യം ചെയ്യാനുള്ള ലൈസന്‍സ് നല്‍കലുമാണെന്നുമാണ് പാര്‍വതി പറഞ്ഞത്.
ഇതേക്കുറിച്ചുള്ള വാര്‍ത്തകള്‍ പുറത്തു വന്നതിനു പിന്നാലെയാണ് പാര്‍വതിയുടെ ഫേസ്ബുക്ക് പേജില്‍ മമ്മൂട്ടി ആരാധകര്‍ വിമര്‍ശനവുമായി എത്തിയത്. ഫെയ്‌സ്ബുക്കില്‍ അത്ര ആക്ടീവ് അല്ലാത്ത പാര്‍വതി ഡിസംബര്‍ മൂന്നിനാണ് അവസാനം പോസ്റ്റ് ചെയ്തിരിക്കുന്നത്. ഈ പോസ്റ്റിന് കീഴിലാണ് കമന്റുകളുടെ കുത്തൊഴുക്ക്.
മമ്മൂട്ടി ഫാന്‍സിന്റെ ഫെയ്‌സ്ബുക്ക് ഗ്രൂപ്പുകളിലും വാട്ട്‌സ്ആപ്പ് ഗ്രൂപ്പുകളിലും പാര്‍വതിയെ അസഭ്യം പറഞ്ഞു കൊണ്ടുള്ള പോസ്റ്റുകളുടെ പ്രളയമാണ്. അത്തരം ഗ്രൂപ്പുകളില്‍നിന്നുള്ള ആഹ്വാനം ലഭിച്ചാണ് ഒട്ടുമിക്ക ഫാന്‍സും പാര്‍വതിയുടെ പേജ് തേടി എത്തിയിരിക്കുന്നത്.
Read more
