തന്റെ വിവാഹ ദിവസം തന്നെ ബേസില്‍ ജോസഫ് ഒരു മമ്മൂട്ടി ചിത്രം പ്രഖ്യാപിച്ചിരുന്നു. ഉണ്ണി ആറിന്റെ രചനയില്‍ ബേസില്‍ ജോസെഫ് സംവിധാനം ചെയ്യാന്‍ ഇരുന്ന ആ ചിത്രത്തില്‍ മമ്മൂട്ടിയോടൊപ്പം ടോവിനോ തോമസും ഉണ്ട് എന്നായിരുന്നു അന്ന് പ്രഖ്യാപിച്ചത്. ഇ ഫോര്‍ എന്റര്‍ടൈന്‍മെന്റ്‌സിന്റെ ബാനറില്‍ മുകേഷ് ആര്‍ മെഹ്ത, സി വി സാരഥി എന്നിവരും എ വി എ പ്രൊഡക്ഷന്‍സിന്റെ ബാനറില്‍ എ വി അനൂപും നിര്‍മ്മിക്കാനിരുന്ന ആ ചിത്രം ആ വര്‍ഷം തന്നെ ആരംഭിക്കും എന്നായിരുന്നു റിപ്പോര്‍ട്ട്.
എന്നാല്‍ പിന്നീട് ആ പ്രോജക്ടിനെക്കുറിച്ച് യാതൊരു വിവരവും ലഭിച്ചില്ല. ഇപ്പോഴിതാ ആ ചിത്രത്തെക്കുറിച്ചുള്ള ആരാധകന്റെ ചോദ്യത്തിന് ബേസില്‍ നല്‍കുന്ന മറുപടി ഇങ്ങനെയാണ്. “”കല്യാണം കഴിഞ്ഞപ്പോ ആ ഫ്‌ലോ അങ്ങ് പോയി ബ്രോ. ഇനിയിപ്പോ മിന്നല്‍ മുരളി എന്ന സിനിമ ആണ് അടുത്തതായി ചെയ്യാന്‍ പോകുന്നത്. അത് ഡിസംബറില്‍ ഷൂട്ട് തുടങ്ങും””.
Read more
ടോവിനോ തോമസിനെ നായകനാക്കി ആണ് മിന്നല്‍ മുരളി എന്ന ചിത്രം ബേസില്‍ ഒരുക്കുന്നത്. വിനീത് ശ്രീനിവാസന്‍ നായകനായ കുഞ്ഞി രാമായണം, ടോവിനോ തോമസ് നായകനായ ഗോദ എന്നീ ചിത്രങ്ങള്‍ സംവിധാനം ചെയ്ത ബേസില്‍ ജോസെഫ് അഭിനേതാവ് കൂടിയാണ്. മിന്നല്‍ മുരളി എന്ന ബേസില്‍ ജോസെഫ്- ടോവിനോ തോമസ് ചിത്രം നിര്‍മ്മിക്കുന്നത് വീക്കെന്‍ഡ് ബ്ലോക്ക്ബസ്റ്റേഴ്‌സിന്റെ ബാനറില്‍ സോഫിയ പോള്‍ ആണ്.
