ഫഹദ് ഫാസിലിനെ നായകമാക്കി വേണു സംവിധാനം ചെയ്യുന്ന “കാര്ബണ്” എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തിറങ്ങി. മുന്നറിയിപ്പ് എന്ന മമ്മൂട്ടി ചിത്രത്തിന് ശേഷം വേണു ചെയുന്ന മലയാള സിനിമയാണ് കാര്ബണ്. ഫസ്റ്റ് ലുക്കിന്റെ വ്യത്യസ്തതയ്ക്ക് നൂറില് നൂറു മാര്ക്കാണ് ആരാധകര് നല്കുന്നത്. കൂടെ ചിത്രവും വ്യത്യസ്തമായിരിക്കുമെന്ന പ്രതീക്ഷയും ആരാധകര്ക്കുണ്ട്.
ഒരു ഗ്രാമീണ യുവാവായി ഫഹദ് എത്തുന്ന ചിത്രത്തില് മംമ്താ മോഹന്ദാസാണ് നായിക. ഒരു കൊമേര്ഷ്യല് എന്റര്ടെയ്നര് ആയിരിക്കും കാര്ബണ്. പ്രശസ്ത ഛായാഗ്രാഹകന് കെ.യു മോഹനന് ആണ് ചിത്രത്തിനായി ക്യാമറ ചലിപ്പിക്കുന്നത്.
Read more
സിബി തോട്ടുപുറം നിര്മ്മിക്കുന്ന ചിത്രത്തില് ദിലീഷ് പോത്തന്, നെടുമുടിവേണു, സൗബിന് ഷാഹിര്, വിജയരാഘവന് എന്നിവര് പ്രധാന കഥാപാത്രങ്ങളായി എത്തുന്നു. ദേശീയ പുരസ്കാര ജേതാവായ വിശാല് ഭരദ്വാജാണ് ചിത്രത്തിന്റെ സംഗീതം. 19 വര്ഷത്തിന് ശേഷമാണ് വിശാല് മലയാളത്തിലേക്ക് വീണ്ടും എത്തുന്നത്.