കണ്ണന്‍ താമരക്കുളം സംവിധാനം ചെയ്യുന്ന “മരട് 357” ചിത്രത്തിനായി നടന്‍ ഉണ്ണി മുകുന്ദന്‍ എഴുതിയ ഗാനത്തിന്റെ മേക്കിങ് വീഡിയോ പുറത്ത്. “”ഹോ ജാനേ ദേ”” എന്ന ഗാനത്തിന്റെ വീഡിയോയാണ് പുറത്തുവിട്ടിരിക്കുന്നത്. സാനന്ദ് ജോര്‍ജ് ഗ്രേസ് ഈണം പകര്‍ന്ന് ജോത്സന ആണ് ഗാനം ആലപിച്ചിരിക്കുന്നത്.
കൊറോണ ലോക്ഡൗണിനിടെയാണ് മരട് 357ന് ആയി ഉണ്ണി മുകുന്ദന്‍ ഹിന്ദി ഗാനം എഴുതിയത്. ചിത്രത്തിന്റെ ക്ലൈമാക്സ് രംഗത്തിനടുത്തു വരുന്ന ഗാനമാണിത്. മൂന്ന് മിനിറ്റു ദൈര്‍ഘ്യം വരുന്ന പശ്ചാത്തല സംഗീതമായാണ് ഹിന്ദി പാട്ട് ചിട്ടപ്പെടുത്തിയിരിക്കുന്നത്.
അനൂപ് മേനോന്‍, ധര്‍മജന്‍, മനോജ് കെ ജയന്‍, ബൈജു സന്തോഷ്, സാജില്‍, സെന്തില്‍ കൃഷ്ണ, ഷീലു എബ്രഹാം, നൂറിന്‍ ഷെറീഫ് എന്നിവരാണ് ചിത്രത്തില്‍ കേന്ദ്ര കഥാപാത്രങ്ങളാകുന്നത്. ദിനേശ് പള്ളത്ത് തിരക്കഥ ഒരുക്കുന്ന മരട് 357 നിര്‍മ്മിക്കുന്നത് അബാം മൂവീസിന്റെ ബാനറില്‍ അബ്രഹാം മാത്യുവും സ്വര്‍ണ്ണലയ സിനിമാസിന്റെ ബാനറില്‍ സുദര്‍ശനന്‍ കാഞ്ഞിരക്കുളവും ചേര്‍ന്നാണ്.
Read more
ഫെബ്രുവരി 19ന് ആണ് ചിത്രം റിലീസിനെത്തുന്നത്. കേരളക്കരയാകെ ചര്‍ച്ച ചെയ്യപ്പെട്ട വിഷയമാണ് മരട് ഫ്‌ളാറ്റ് വിഷയം. ഫ്‌ളാറ്റ് ഒഴിപ്പിക്കലുമായി ബന്ധപ്പെട്ട് 357 ഓളം കുടുംബങ്ങള്‍ക്കാണ് തങ്ങളുടെ വീട് നഷ്ടപെട്ടത്. എന്താണ് മരട് ഫ്‌ലാറ്റില്‍ സംഭവിച്ചത് എന്നതിന്റെ നേര്‍ക്കാഴ്ചയാവും ചിത്രം.
