പ്രമാദമായ കേസുകളുടെ അന്വേഷണരീതികള്‍ ചുരുളഴിക്കുന്ന കുറ്റാന്വേഷണ വെബ് സീരീസുമായി കേരള പൊലീസ്. പൊലീസിന്റെ യു ട്യൂബ് ചാനല്‍ വഴി ഇന്നു മുതല്‍ എല്ലാ ചൊവ്വാഴ്ചയും വൈകിട്ട് ആറിനാണ് ക്രൈം ത്രില്ലര്‍ വെബ് സീരിസ്.
തിരക്കഥ, സംവിധാനം, ക്യാമറ, അഭിനയം എല്ലാം പൊലീസ് തന്നെ. കൂടത്തായി കൊലപാതക പരമ്പരയുടെ ചുരുളഴിച്ചതാണ് ആദ്യ 2 എപ്പിസോഡ്. അന്വേഷണ ഉദ്യോഗസ്ഥന്‍ കെ.ജി.സൈമണും സംഘവുമാണ് അഭിനേതാക്കള്‍. മുന്‍ കാലങ്ങളില്‍ പൊലീസ് തെളിയിച്ച കേസുകളുടെ പരമ്പരകളും തുടര്‍ന്നുണ്ടാകും.
Read more
തിരുവനന്തപുരത്തെ കേരള പൊലീസ് മീഡിയ സെന്റര്‍ ഡപ്യൂട്ടി ഡയറക്ടര്‍ വി.പി. പ്രമോദ് കുമാറിന്റെ മേല്‍നോട്ടത്തിലാണ് ഇതു തയാറാക്കുന്നത്. രാജ്യത്ത് ആദ്യമായാണു പൊലീസ് യുട്യൂബ് ചാനലും വെബ് സീരീസും ആരംഭിക്കുന്നത്.
