മലയാളിയുടെ പ്രിയ കഥാകാരി കമലാ സുരയ്യയുടെ ജീവിതം ആധാരമാക്കി കമല് സംവിധാനം ചെയ്യുന്ന ‘ആമി’ യുടെ ട്രെയ്ലർ പുറത്തിറങ്ങി. ചിത്രത്തില് മഞ്ജു വാര്യരാണ് കമലയുടെ വേഷത്തിലെത്തുന്നത്. റീല് ആന്ഡ് റിയല് സിനിമയുടെ ബാനറില് റാഫേല് തോമസും റോബാ റോബനും ചേര്ന്നാണ് ഈ ചിത്രം നിര്മിക്കുന്നത്.
https://www.facebook.com/SouthLiveNews/videos/342065049611188/
മുരളി ഗോപി, അനൂപ് മേനോന്, ജ്യോതികൃഷ്ണ, കെ.പി.എ.സി ലളിത, വത്സലാ മേനോന്, ശ്രീദേവി ഉണ്ണി, അനില് നെടുമങ്ങാട്, സുശീല്കുമാര്, ശിവന് എന്നിവരും ചിത്രത്തില് പ്രധാന വേഷങ്ങളിലെത്തുന്നു. റഫീഖ് അഹമ്മദിന്റെയും ഹിന്ദി കവി ഗുല്സാറിന്റെയും വരികള്ക്ക് എം. ജയചന്ദ്രനും പ്രശസ്ത തബലിസ്റ്റ് സക്കീര് ഹുസൈന്റെ സഹോദരന് തൗഫീഖ് ഖുറൈഷിക്കുമാണ് സംഗീതം നല്കുന്നത്.
Read more
മാധവിക്കുട്ടിയുടെ ബാല്യം മുതല് മരണംവരെയുള്ള കഥയാണ് ചിത്രം പറയുന്നത്. 20 വര്ഷത്തിന് ശേഷമാണ് കമലും മഞ്ജു വാര്യരും ഒരുമിക്കുന്നത്. കമല് സംവിധാനം ചെയ്ത ഈ പുഴയും കടന്ന്, കൃഷ്ണഗുഡിയില് ഒരു പ്രണയകാലത്ത് തുടങ്ങിയ ചിത്രങ്ങള് മഞ്ജു വാര്യരുടെ കരിയറിലെ തന്നെ മികച്ച ചിത്രങ്ങളായാണ് വിലയിരുത്തുന്നത്.