ഷൂട്ടിംഗ് സെറ്റില് വച്ച് നടന് ജോണ് എബ്രഹാമിന് പരിക്ക്. ആനീസ് ബസ്മീ ഒരുക്കുന്ന പാകല്പംതി എന്ന ചിത്രത്തില് അഭിനയിക്കുന്നതിനിടെയാണ് അപകടമുണ്ടായത്. കൈയ്ക്ക് സാരമായി പരിക്കേറ്റ ജോണിന് വിശ്രമം നിര്ദ്ദേശിച്ചിരിക്കുകയാണ് ഡോക്ടര്മാര്.
രണ്ടാഴ്ചത്തെ വിശ്രമമാണ് താരത്തിന് നിര്ദ്ദേശിച്ചിട്ടുള്ളത്. അനില് കപൂര്, ഇല്യാന ഡിക്രൂസ്, കൃതി, അര്ഷാദ്, പുല്കിത് തുടങ്ങിയ താരങ്ങളും ചിത്രത്തില് അഭിനയിക്കുന്നുണ്ട്. താരങ്ങള് ഒന്നിച്ചുള്ള ഒരു രംഗം ചിത്രീകരിക്കുന്നതിനിടെയാണ് ജോണ് എബ്രഹാമിന് അപകടം സംഭവിച്ചത്. പ്രധാന ഭാഗങ്ങള് ലണ്ടനില് ചിത്രീകരിച്ച സിനിമയുടെ മുംബൈയില് നടന്ന ആക്ഷന് രംഗങ്ങളുടെ ഷൂട്ടിംഗിനിടെയാണ് അപകടമുണ്ടായത്. സമയം പിഴച്ചതാണ് അപകടകാരണം.
Read more
സിനിമയുടെ 90ശതമാനം ചിത്രീകരണവും അവസാനിച്ചെന്നും അവസാന ഷെഡ്യൂള് ചിത്രീകരണമാണ് മുംബൈയില് നടന്നിരുന്നതെന്നും ചിത്രത്തിന്റെ നിര്മ്മാതാവ് അറിയിച്ചു. ഷെഡ്യൂള് പുനഃക്രമീകരിക്കുമെന്നും ജൂണ് അവസാനത്തോടെ ചിത്രീകരണം പൂര്ത്തിയാക്കുമെന്നും നിര്മ്മാതാവ് കുമാര് മങ്കാത് അറിയിച്ചു.