സാഹിത്യകാരന്‍ വൈശാഖന്റെ “”സൈലന്‍സര്‍”” എന്ന ചെറുകഥയെ ആധാരമാക്കി നിര്‍മ്മിച്ച പ്രിയനന്ദന്‍ ചിത്രം സൈലന്‍സറിന്റെ പ്രദര്‍ശനം ഇന്ന് ഐഎഫ് എഫ് കെയില്‍. മലയാള സിനിമ ഇന്ന് എന്ന വിഭാഗത്തില്‍ ഇന്ന് വൈകീട്ട് 6 ന് കൈരളി തിയ്യറ്ററില്‍ ചിത്രത്തിന്റെ പ്രദര്‍ശനം തുടങ്ങി.
വാര്‍ദ്ധക്യത്താല്‍ ഒറ്റപ്പെട്ട് പോയിട്ടും ജീവിത സാഹചര്യങ്ങളോടു പൊരുതി മുന്നേറുന്ന ഈനാശുവിന്റെ ജീവിതമാണ് സൈലന്‍സറിന്റെ ഇതിവൃത്തം. ലാലാണ് ഈനാശുവിന്റ കഥാപാത്രം അവതരിപ്പിക്കുന്നത്.
മീരാ വാസുദേവ് അവതരിപ്പിക്കുന്ന ത്രേസ്സ്യയാണ് ഈനാശുവിന്റെ ഭാര്യ. മകന്‍ സണ്ണിയായെത്തുന്നത് ഇര്‍ഷാദാണ്. പഴയ തലമുറയുടെയും പുതിയ തലമുറയുടെയും അഭിരുചികളും പൊരുത്തക്കേടുകളുമാണ് ചിത്രം ചര്‍ച്ച ചെയ്യുന്നത്.
പ്രിയനന്ദനന്റെ “”പാതിരാക്കാല””ത്തിന് തിരക്കഥയും സംഭാഷണവും ഒരുക്കിയ പി.എന്‍ ഗോപീകൃഷ്ണനാണ് സൈലന്‍സിന്റെ തിരക്കഥയും സംഭാഷണവും നിര്‍വ്വഹിച്ചിട്ടുള്ളത്. പ്രിയനന്ദനന്റെ മകന്‍ അശ്വഘോഷനാണ് ഈ ചിത്രത്തിന്റെ ക്യാമറ ചലിപ്പിച്ചത്.
ബെന്‍സി പ്രൊഡക്ഷന്‍സിന്റെ ബാനറില്‍ ബേനസീറാണ് നിര്‍മ്മാണം, അഭിനേതാക്കള്‍ – ലാല്‍, ഇര്‍ഷാദ്, രാമു, മീരാവാസുദേവ്, സ്നേഹാ ദിവാകരന്‍, പാര്‍ത്ഥസാരഥി, ജയരാജ് വാര്യര്‍ എന്നിവരാണ്.
Read more
കലാസംവിധാനം ഷെബീറലി, പ്രൊഡക്ഷന്‍ കണ്‍ട്രോളര്‍ – ഷാജി പട്ടിക്കര, മേയ്ക്കപ്പ് – അമല്‍, വസ്ത്രാലങ്കാരം – രാധാകൃഷ്ണന്‍ മങ്ങാട്, പ്രൊഡക്ഷന്‍ എക്സിക്യൂട്ടീവ് – നസീര്‍ കൂത്തുപറമ്പ്, പ്രൊഡക്ഷന്‍ മാനേജര്‍ – പ്രേംജി പിള്ള, പശ്ചാത്തല സംഗീതം – ബിജിബാല്‍, സ്റ്റില്‍സ് – അനില്‍ പേരാമ്പ്ര, പി.ആര്‍.ഒ- പി.ആര്‍.സുമേരന്‍, അസോസിയേറ്റ് ഡയറക്ടര്‍ – സബിന്‍ കാട്ടുങ്ങല്‍, സംവിധാന സഹായികള്‍- ബിനോയ് മാത്യു, കൃഷ്ണകുമാര്‍ വാസുദേവന്‍, പി. അയ്യപ്പദാസ്, ജയന്‍ കടക്കരപ്പള്ളി.
