നിവിന്‍ പോളിയെ നായകനാക്കി ഗീതു മോഹന്‍ദാസ് സംവിധാനം ചെയ്ത “മൂത്തോന്‍” സിനിമയുടെ വേള്‍ഡ് പ്രീമിയര്‍ ആണ് ടൊറന്റോയില്‍ വെച്ചു നടന്നത്. ചിത്രം മാസ്റ്റര്‍ ക്ലാസാണെന്നും നിവിന്റെ പ്രകടനം അസാധ്യമാണെന്നുമാണ് പ്രേക്ഷകരുടെ അഭിപ്രായം.
ഷോ കഴിഞ്ഞുള്ള മീറ്റില്‍ സംവിധായിക ഗീതു മോഹന്‍ദാസ് പ്രേക്ഷകരില്‍ നിന്ന് നേരിട്ട ചോദ്യങ്ങളിലൊന്ന് എന്തായിരുന്നു ഈ റോളിലേക്ക് നിവിനെ കാസ്റ്റ് ചെയ്യാനുള്ള കാരണം എന്നായിരുന്നു. അതിന് അവര്‍ നല്‍കിയ മറുപടി എനിക്ക് നിഷ്‌കളങ്കത മുഖത്തുള്ള ഒരു നടനെ വേണമായിരുന്നു എന്നാണ്. ഈ പോസ്റ്ററും ടീസറുമൊക്കെ കണ്ടിട്ട് നിങ്ങള്‍ കരുതുന്നുണ്ടാവും എന്തിനാണ് ഇതില്‍ നിഷ്‌കളങ്കതയെന്ന് അതോടൊപ്പം അതെങ്ങനെയാണ് അയലത്തെ പയ്യന്‍ റോളുകളില്‍ നിന്ന് വേറിട്ട് നില്‍ക്കുന്നതെന്ന് അതിനുത്തരം ലഭിക്കണമെങ്കില്‍ നിങ്ങള്‍ ഈ സിനിമ തിയേറ്ററുകളിലെത്തുന്നതു വരെ കാത്തിരിക്കണം. ഗീതു വ്യക്തമാക്കി.
Read more
അക്ബര്‍ എന്ന പരിവേഷം അദ്ദേഹത്തെ കൊണ്ട് നന്നായി ചെയ്യാന്‍ പറ്റുമോ എന്ന് പലര്‍ക്കും സംശയം ആയിരുന്നു. ചിത്രം തുടങ്ങിയപ്പോള്‍ ഞാനും ഒന്ന് സംശയിച്ചു എന്ന് വേണേല്‍ പറയാം. പൊതുവെ ഡയലോഗ് ഡെലിവറിയുടെ പേരില്‍ പഴി കേള്‍ക്കാറുള്ള നിവിന്റെ ആദ്യ ഡയലോഗ് ഹിന്ദിയിലായിരുന്നു, ഞെട്ടല്‍ NO.1. ഈ ചിത്രത്തില്‍ ഉപയോഗിച്ചിരിക്കുന്ന ലക്ഷദ്വീപ് മലയാളത്തേക്കാള്‍ മികച്ചതായി അദ്ദേഹം ഹിന്ദി ഭാഷ കൈകാര്യം ചെയ്തിട്ടുണ്ടെന്നും ഗീതു പറഞ്ഞു.
