ഫഹദിന്റെ മണ്‍സൂണ്‍ മാംഗോസ് വീണ്ടും തിയേറ്ററുകളിലേക്ക്

ഫഹദ് ഫാസില്‍ നായകനായ മണ്‍സൂണ്‍ മാംഗോസ് വീണ്ടും തിയേറ്ററുകളിലെത്തുന്നു. “അക്കരക്കാഴ്ചകള്‍” എന്ന ജനപ്രിയ ടെലിവിഷന്‍ പരമ്പരയിലൂടെ ശ്രദ്ധേയനായ അബി വര്‍ഗീസ് സംവിധാനം ചെയ്ത ചിത്രമാണ് ഇത്. ചാനല്‍ ഫൈവ് റിലീസ്, സ്‌നേഹ റിലീസ് എന്നിവര്‍ ചേര്‍ന്ന് മാര്‍ച്ച് 20 നാണ് ചിത്രം വീണ്ടും പ്രദര്‍ശനത്തിനെത്തിക്കുന്നത്.

ദാവീദ് പള്ളിക്കല്‍ എന്ന കഥാപാത്രമായാണ് ഫഹദ് ചിത്രത്തില്‍ അവതരിപ്പിച്ചിരിക്കുന്നത്. സിനിമാ ഭ്രമം തലയ്ക്കു പിടിച്ച് ജോലി കളഞ്ഞ് സിനിമ പിടിക്കാനിറങ്ങിയ യുവാവിന്റെ കഥായാണ് ചിത്രം പറഞ്ഞത്. ഐശ്വര്യ മേനോന്‍, വിജയ് റാസ്, വിനയ് ഫോര്‍ട്ട്, ടൊവിനോ തോമസ്, സഞ്ജു ശിവറാം, ജേക്കബ് ഗ്രിഗറി, നന്ദു കെ, ജോസുകുട്ടി വി, സജിനി എസ്, തമ്പി ആന്റണി എന്നിവരും ചിത്രത്തില്‍ അഭിനയിച്ചിട്ടുണ്ട്.

കായല്‍ ഫിലിംസിന്റെ ബാനറില്‍ തമ്പി ആന്റണി തെക്കേക്ക്, പ്രേമ തെക്കേക്ക് എന്നിവര്‍ ചേര്‍ന്നാണ് ചിത്രം നിര്‍മ്മിച്ചത്. പൂര്‍ണമായും അമേരിക്കയില്‍ ചിത്രീകരിച്ച ചിത്രത്തിന്റെ തിരക്കഥ അബി വര്‍ഗീസും നവീന്‍ ഭാസ്‌കറും ചേര്‍ന്നാണ് ഒരുക്കിയത്. ലൂക്കാസ് പ്രോച്ചിനിക് ഛായാഗ്രാഹണം. ജേക്‌സ് ബിജോയ് സംഗീതസംവിധാനം