‘നന്പകല് നേരത്ത് മയക്കം’ എന്ന സിനിമയ്ക്ക് ശേഷം മമ്മൂട്ടി- ലിജോ കൂട്ടുകെട്ട് വീണ്ടും ഒന്നിക്കുന്നു എന്ന് റിപ്പോര്ട്ടുകള്്.മമ്മൂട്ടി കമ്പനിയുടെ ബാനറില് മമ്മൂട്ടി തന്നെയായിരിക്കും പുതിയ ചിത്രം നിര്മ്മിക്കുക എന്നാണ് സൂചന. ആമേന് എന്ന സിനിമയുടെ തിരക്കഥാകൃത്ത് പി എസ് റഫീഖ് ആണ് തിരക്കഥ ഒരുക്കുന്നത്. സിനിമയുടെ ചിത്രീകരണം ജൂണില് ആരംഭിക്കുമെന്നും ഫഹദ് ഫാസിലും ഒരു പ്രധാന കഥാപാത്രത്തെ അവതരിപ്പിക്കും എന്നും റിപ്പോര്ട്ടുകളുണ്ട്.
മമ്മൂട്ടി കമ്പനിയുടെ ബാനറില് ഒരുങ്ങുന്ന മൂന്നാമത്തെ ചിത്രമായിരിക്കുമിത്. ‘നന്പകല് നേരത്ത് മയക്കം’, ‘റോഷാക്ക്’ എന്നീ ചിത്രങ്ങള് നിര്മ്മിക്കുന്നത് മമ്മൂട്ടി കമ്പനിയാണ്. എന്നാല് ലിജോ ജോസ് പെല്ലിശ്ശേരിയില് നിന്നോ മമ്മൂട്ടിയുടെ അടുത്ത വൃത്തങ്ങളില് നിന്നോ പുതിയ സിനിമയെക്കുറിച്ച് അറിയിപ്പുകള് ഒന്നും വന്നിട്ടില്ല.അതേസമയം ‘പുഴു’വാണ് മമ്മൂട്ടിയുടേതായി റിലീസിന് ഒരുങ്ങുന്ന ചിത്രം. സിനിമ മെയ് 13നാണ് സോണി ലിവ് വഴി സ്ട്രീമിങ്ങ് ആരംഭിക്കുന്നത്.
Read more
സിന് സില് സെല്ലുലോയ്ഡിന്റെ ബാനറില് എസ് ജോര്ജ്ജ് ആണ് ചിത്രത്തിന്റെ നിര്മാണം. ദുല്ഖര് സല്മാന്റെ വേഫെയര് ഫിലിംസാണ് ചിത്രത്തിന്റെ സഹനിര്മ്മാണവും വിതരണവും. ആദ്യമായി ഒടിടി പ്ലാറ്റ്ഫോമില് റിലീസ് ചെയ്യപ്പെടുന്ന മമ്മൂട്ടി ചിത്രം കൂടിയാണ് പുഴു.’ഉണ്ട’യ്ക്ക് ശേഷം ഹര്ഷാദ് കഥയെഴുതുന്ന ചിത്രമാണ് ‘പുഴു’. വൈറസിന് ശേഷം ഷറഫ് സുഹാസ് കൂട്ടുകെട്ട് ഹര്ഷാദിനൊപ്പം ചേര്ന്നാണ് തിരക്കഥയൊരുക്കുന്നത്.