അവതാരത്തിന് ശേഷം സംവിധായകന്‍ ജോഷിയും നടന്‍ ദിലീപും ഒന്നിക്കുന്ന “ഓണ്‍ എയര്‍ ഈപ്പന്‍” 2020 ജനുവരിയില്‍ ആരംഭിക്കും. നവാഗതനായ അരുണും നിരഞ്ജനും ചേര്‍ന്ന് രചന നിര്‍വഹിക്കുന്ന ഈ ചിത്രത്തില്‍ ഒരു മാധ്യമപ്രവര്‍ത്തകന്റെ വേഷത്തിലാണ് ദിലീപ് എത്തുന്നത്.
ദൃശ്യമാധ്യമരംഗത്തെ ആസ്പദമാക്കിയുള്ളതാണ് ചിത്രത്തിന്റെ കഥ. നേരത്തെ ഈ പശ്ചാത്തലത്തില്‍ ജോഷി ഒരുക്കിയ മോഹന്‍ലാല്‍ നായകനായെത്തിയ റണ്‍ ബേബി റണ്‍ വലിയ വിജയമായിരുന്നു. ലവ് 24*7 എന്ന ദിലീപ് ചിത്രത്തിന്റെ കഥാപശ്ചാത്തലവും ടെലിവിഷന്‍ മാധ്യമങ്ങളായിരുന്നു. സ്വലേ എന്ന ചിത്രത്തില്‍ പത്രപ്രവര്‍ത്തകന്റെ റോളിലും ദിലീപ് എത്തയിരുന്നു.
Read more
ജോജു, ചെമ്പന്‍ വിനോദ്, നൈല ഉഷ എന്നിവരം കേന്ദ്രകഥാപാത്രങ്ങളാക്കി ഒരുക്കിയ പൊറിഞ്ചു മറിയം ജോസാണ് ജോഷിയുടെ അവസാനം പുറത്തിറങ്ങിയ ചിത്രം. എസ്.എല്‍പുരം ജയസൂര്യ സംവിധാനം ചെയ്യുന്ന ജാക്ക് ആന്‍ഡ് ഡാനിയല്‍ ആണ് ദിലീപിന്റെ റിലീസിന് ഒരുങ്ങുന്ന ചിത്രം.
