കാളിദാസ് ജയറാമും പ്രയാഗ മാര്ട്ടിനും വേഷമിട്ട “ഡിഡ് യു സ്ലീപ് വിത്ത് ഹെര്?” ഷോര്ട്ട് ഫിലിം വൈറലാകുന്നു. ഡാര്ക്ക് ഹ്യൂമര് ജോണറില് എത്തിയ ഈ ഷോര്ട്ട് ഫിലിം പ്രേക്ഷകശ്രദ്ധ നേടിക്കൊണ്ടിരിക്കുകയാണ്. “മൈ റോഡ് റീല് 2020” എന്ന ഷോര്ട്ട് ഫിലിം മത്സരത്തിനായി ഒരുക്കിയതാണ് ഈ ഷോര്ട്ട് ഫിലിം.
ആമേന്, ഡബിള് ബാരല്, ഇരുപത്തിയൊന്നാം നൂറ്റാണ്ട്, നയന്, ഹാപ്പി സര്ദാര്, സില്ലു കരുപട്ടി തുടങ്ങി നിരവധി സിനിമകളിലൂടെ ശ്രദ്ധേയനായ ഛായാഗ്രാഹകന് അഭിനന്ദ് രാമാനുജം ആണ് ഡിഡ് യു സ്ലീപ് വിത്ത് ഹേര് സംവിധാനം ചെയ്തിരിക്കുന്നത്.
ദേശീയ പാതയിലൂടെ ചീറിപായുന്ന ചുവപ്പ് ജീപ്പ് കോമ്പസില് ഇരിക്കുന്ന പ്രയാഗ പിന്നാലെ പജേറോയില് വരുന്ന കാളിദാസിനോട് “”ഡിഡ് യു സ്ലീപ് വിത്ത് ഹേര്?”” എന്ന് ചോദിച്ച് കലഹിക്കുന്നതായാണ് ചിത്രം ആരംഭിക്കുന്നത്. പ്രവീണ് ചന്ദര് ആണ് കഥ ഒരുക്കിയിരിക്കുന്നത്. ടേപ്പ് മെഷീന് സംഗീതം, ആകാശ് ആന്റണി സഹനിര്മ്മാണം എന്നിവ നിര്വ്വഹിച്ചിരിക്കുന്നു.
Read more
ചിത്രത്തിന്റെ ബിഹൈന്ഡ് ദി സീന് വീഡിയോയും യൂട്യൂബില് പങ്കുവെച്ചിട്ടുണ്ട്. ലോകത്തിന്റെ പല ഭാഗത്തുനിന്നായി നിരവധിപേരാണ് ഈ ഷോര്ട്ട് ഫിലിം മത്സരത്തില് പങ്കെടുക്കുന്നത്. പത്തു ലക്ഷം ഡോളറാണ് വിജയികളാകുന്നവര്ക്കുള്ള സമ്മാനത്തുക.