ഘംഭീര മേക്കോവര്‍ ചിത്രങ്ങളാണ് മഞ്ജു വാര്യര്‍ ഇപ്പോള്‍ സോഷ്യല്‍ മീഡിയയില്‍ പങ്കുവെയ്ക്കാറുള്ളത്. ഇത് ആരാധകര്‍ ഏറ്റെടുക്കുകയും ചെയ്യാറുണ്ട്. മഞ്ജുവിനെ കുറിച്ച് കോസ്റ്റ്യൂം ഡിസൈനര്‍ എസ്.ബി സതീഷ് പറഞ്ഞ വാക്കുകളാണ് ഇപ്പോള്‍ ശ്രദ്ധ നേടുന്നത്.
ഏത് കോസ്റ്റ്യൂമിലും തന്റേതായ മാനറിസം മഞ്ജു കൊണ്ടു വരാറുണ്ട്. സമ്മര്‍ ഇന്‍ ബത്ലഹേം സിനിമയിലെ നടിയുടെ വസ്ത്രധാരണത്തെ കുറിച്ചായിരുന്നു സതീഷ് പറഞ്ഞത്. കൗമുദി മൂവീസ് യൂട്യൂബ് ചാനലിന് നല്‍കിയ അഭിമുഖത്തിലാണ് കോസ്റ്റ്യൂമർ സംസാരിച്ചത്.
മഞ്ജുവിന് ഒരു കോസ്റ്റ്യൂം കൊടുത്താല്‍ അതിന് അനുസരിച്ച് മാനറിസവും മാറും. അത് മഞ്ജുവിന്റെ ഏറ്റവും വലിയ ഗുണങ്ങളില്‍ ഒന്നാണ്. സമ്മര്‍ ഇന്‍ ബത്ലഹേമില്‍ മഞജുവിനെ ഇന്ന രീതിയില്‍ മോഡേണ്‍ ആക്കാമെന്ന് പറയുമ്പോള്‍ സംവിധായകന്‍ സിബി സാറിനും രഞ്ജിത്ത് ഏട്ടനും ഒരു ഷര്‍ട്ടിന്റെ കാര്യത്തില്‍ പോലും നല്ല ടെന്‍ഷന്‍ ഉണ്ടായിരുന്നു.
കാരണം അതിന് മുമ്പ് പുറത്ത് ഇറങ്ങിയ ഒരു ചിത്രത്തില്‍ കോസ്റ്റ്യൂമില്‍ ചെറിയ പ്രശ്‌നം ഉണ്ടായിരുന്നു. ട്രയല്‍ ചെയ്തു നോക്കാമെന്ന് ഞാന്‍ പറഞ്ഞു. അങ്ങനെ മഞ്ജു വന്ന് വസ്ത്രങ്ങള്‍ ഇട്ടു നോക്കുകയായിരുന്നു. ആ കോസ്റ്റ്യൂം ഇട്ടു വന്ന മഞ്ജുവിനെ കണ്ട് ശരിക്കും എല്ലാവരും ഞെട്ടുകയായിരുന്നു.
കൈയൊക്കെ സ്‌റ്റൈലായി ചുരുട്ടി വെച്ച് കൊണ്ടായിരുന്നു താരം എത്തിയത്. ആ വസ്ത്രങ്ങള്‍ ഇട്ടപ്പോള്‍ തന്നെ മഞ്ജുവിന്റെ സ്‌റ്റൈല്‍ മാറി. അപ്പോള്‍ തന്നെ ആ ക്യാരക്ടറിന് അവര്‍ ഓക്കെ പറയുകയായിരുന്നു. ഒരു പക്ഷെ ആദ്യമായിട്ടായിരിക്കും മഞ്ജു വാര്യരുടെ കോസ്റ്റ്യൂമില്‍ ഒരു മാറ്റം വരുന്നത്.
Read more
അപ്പോള്‍ തന്നെ തന്നോട് ചെയ്‌തോളാനും അവര്‍ പറഞ്ഞു. കോസ്റ്റ്യൂമിനോടൊപ്പം ഷോട്ട് എടുത്ത കാലാവസ്ഥയും ഗംഭീരമായിരുന്നു. ഇത് കൂടുതല്‍ മനോഹരമാക്കുക ആയിരുന്നുവെന്നും കോസ്റ്റ്യൂമര്‍ കൗമുദി മൂവീസ് ചാനലിലോട് പറഞ്ഞു.
