വെബ് സീരീസുമായി ബിഗ് ബോസ് 2ലെ താരങ്ങള്‍; ഫുള്‍ എന്റര്‍ട്ടെയ്ന്‍മെന്റ് എന്ന് ഫുക്രു

ബിഗ് ബോസ് 2ലെ താരങ്ങള്‍ ഇനി വെബ്  സീരീസിലൂടെ പ്രേക്ഷകരിലേക്ക്
പ്രിയദര്‍ശന്റെ ബോയിങ് ബോയിങ് സിനമയെ ഓര്‍മ്മിപ്പിക്കുന്ന‘ബോയിങ് ബോയിങ്’ എന്ന വെബ് സീരീസിലൂടെയാണ് താരങ്ങള്‍ ഒന്നിക്കുന്നത്.

കൊവിഡ് മൂലം  ബിഗ്‌ബോസ് 2ന്റെ ചിത്രീകരണം നിര്‍ത്തിവെച്ചതിന്  ശേഷമാണ് ബിഗ്‌ബോസ് താരങ്ങള്‍  ഒരുമിച്ചെത്തുന്നത്.
ഒരു മുത്തശ്ശികഥ താരം  രജനി ചാണ്ടിയുടെ കളമശ്ശേരിയിലെ വീട്ടില്‍ വെച്ചാണ് വെബ് സീരീസ് ചിത്രീകരണം നടക്കുന്നത്. ജനുവരി മുതല്‍ എല്ലാ വെള്ളിയാഴ്ച്ചയും വൈകീട്ട് 6 മണിക്ക് വെബ് സീരീസ് പ്രേക്ഷകരിലേക്ക് എത്തും. ഒടിടി പ്ലാറ്റ്‌ഫോമിലൂടെയാണ് റിലീസ്.

സാജു നവോദയ, ഫുക്രു, വീണ നായര്‍, ആര്യ, രജനി ചാണ്ടി എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ബിഗ് ബോസ് താരവും പ്രിയദര്‍ശന്റെ അസോസിയെറ്റുമായിരുന്ന സുരേഷ് കൃഷ്ണനാണ് വെബ് സീരീസ് ഒരുക്കുന്നത്.