പൃഥ്വിരാജും ബിജു മേനോനും കേന്ദ്ര കഥാപാത്രങ്ങളായെത്തുന്ന പുതിയ ചിത്രം “അയ്യപ്പനും കോശിയു”ടെ ഫസ്റ്റ് ലുക്ക് പോസ്റ്റര് പുറത്ത്. “അനാര്ക്കലി”ക്ക് ശേഷം സച്ചി തിരക്കഥയെഴുതി സംവിധാനം ചെയ്യുന്ന ചിത്രം ഗോള്ഡ് കൊയിന് മോഷന് പിക്ച്ചേഴ്സിന്റെ ബാനറില് രഞ്ജിത്തും, പി.എം.ശശിധരനും ചേര്ന്നാണ് നിര്മ്മിക്കുന്നത്.
അന്ന രാജന്, സിദ്ദിഖ്, അനുമോഹന് ജോണി ആന്റണി, അനില് നെടുമങ്ങാട്, സാബുമോന്, ഷാജു ശ്രീധര്, ഗൗരി നന്ദ എന്നിവരാണ് മറ്റു കഥാപാത്രങ്ങള്. ജേക്സ് ബിജോയ് ആണ് സംഗീതമൊരുക്കുന്നത് സുധീപ് ഇളമണ് ഛായാഗ്രഹണവും രഞ്ജന് ഏബ്രഹാം എഡിറ്റിംഗും നിര്വ്വഹിക്കുന്നു. കലാസംവിധാനം മോഹന് ദാസ്.
ചിത്രത്തിന്റെതായി നേരത്തെ പുറത്തെത്തിയ ലൊക്കേഷന് ചിത്രങ്ങള്ക്കും വന് സ്വീകാര്യതയാണ് ലഭിച്ചത്. അട്ടപ്പാടിയുടെ പശ്ചാത്തലത്തിലൊരുങ്ങുന്ന ചിത്രത്തില് റിട്ടയര്ഡ് ഹവില്ദാറായി പൃഥ്വിരാജ് വേഷമിടുമ്പോള്, സ്ഥലം മാറ്റം ലഭിച്ച് നാട്ടിലേക്കെത്തുന്ന വിരമിയ്ക്കാറായ പൊലീസ് കോണ്സ്റ്റബിളായി ബിജു മേനോന് വേഷമിടുന്നു. ഇരുവരും തമ്മിലുള്ള ഈഗോയുടെ കഥയാണ് ചിത്രം കൈകാര്യം ചെയ്യുന്നത്.