ആസിഫ് അലി നായകനാകുന്ന ഏറ്റവും പുതിയ ചിത്രം “കെട്ട്യോളാണ് എന്റെ മാലാഖ”യിലെ പുതിയ ഗാനം പുറത്തിറങ്ങി. “പതിവോ മാറും…” എന്ന് തുടങ്ങുന്ന ഗാനമാണ് റിലീസ് ചെയ്തിരിക്കുന്നത്. പാട്ടിന്റെ ലിറിക്കല്‍ വിഡിയോയാണ് പുറത്ത് വന്നിരിക്കുന്നത്. നിരഞ്ജ് സുരേഷാണ് മനോഹര ഗാനം ആലപിച്ചിരിക്കുന്നത്. വിനായക് ശശികുമാറിന്റെ വരികള്‍ക്ക് വില്യം ഫ്രാന്‍സീസ് ഈണം പകര്‍ന്നിരിക്കുന്നു.
വിജയ് സൂപ്പറും പൗര്‍ണമിയും, ഉയരെ, കക്ഷി: അമ്മിണിപ്പിള്ള, അണ്ടര്‍വേള്‍ഡ് എന്നീ ചിത്രങ്ങള്‍ക്ക് ശേഷം എത്തുന്ന ആസിഫ് അലി സിനിമയാണ് കെട്ട്യോളാണ് എന്റെ മാലാഖ. തനി നാട്ടിന്‍ പുറത്തുകാരന്റെ ലുക്കിലാണ് ചിത്രത്തില്‍ ആസിഫ് അലി എത്തുന്നത്. പുതുമുഖം വീണാ നായരാണ് ആസിഫിന്റെ നായികയായെത്തുന്നത്.
Read more
മാജിക് ഫ്രെയിംസിന്റെ ബാനറില്‍ നിസാം ബഷീര്‍ ആണ് ചിത്രം സംവിധാനം ചെയ്യുന്നത്. അജി പീറ്റര്‍ തങ്കത്തിന്റേതാണ് തിരക്കഥ. ലിസ്റ്റിന്‍ സ്റ്റീഫന്‍, ജസ്റ്റിന്‍ സ്റ്റീഫന്‍, വിച്ചു ബാലമുരളി എന്നിങ്ങനെ മൂന്ന് പേര്‍ ചേര്‍ന്നാണ് ചിത്രം നിര്‍മിക്കുന്നത്. ചിത്രം നവംബര്‍ 22 ന് തിയേറ്ററുകളിലെത്തും.
