ഹിറ്റായത് മോഹന്‍ലാല്‍ അഭിനയിച്ചത് കൊണ്ട്, ഒരു നടനും ഇതു പോലൊരു വിജയം നേടാന്‍ കഴിയില്ലെന്ന് പുകഴ്ത്തി ആഷിക് അബു; ട്രോളുമായി മോഹന്‍ലാല്‍ ആരാധകര്‍

മോഹന്‍ലാലിനെയും പുലിമുരുകന്‍ സിനിമയെയും പുകഴ്ത്തി സംവിധായകന്‍ ആഷിക് അബു. മനോരമ ചാനലിലെ പരിപാടിയ്ക്കിടെയാണ് ആഷിക് ചിത്രത്തെ കുറിച്ചുള്ള തന്റെ അഭിപ്രായം രേഖപ്പെടുത്തിയത്. ”പുലിമുരുകന്‍ എന്ന് പറയുന്ന സിനിമ ലാലേട്ടന്‍ ചെയ്യുന്നത് കൊണ്ട് മാത്രമാണ് അത്ര വലിയൊരു ഹിറ്റ് ആവുന്നത് മറ്റേതൊരു ഏത് ആക്ടര്‍ക്കും അതുപോലെ ചെയ്താല്‍ അത്രയും വലിയൊരു കളക്ഷനിലോട്ട് ചിത്രം വരില്ല.

അങ്ങനെ ലാലേട്ടനെ സ്‌ക്രീനില്‍ കാണാന്‍ ഇഷ്ട്ടമുള്ള ഒരു ഭൂരിപക്ഷം ആള്‍ക്കാര്‍ ഇവിടെയുണ്ട്. അവര്‍ അത് എന്‍ജോയ് ചെയ്യുന്നുടെന്നാണ് അതിന്റെ അര്‍ത്ഥം.”എന്തായാലും സംവിധായകന്റെ വാക്കുകള്‍ ആഘോഷമാക്കിയിരിക്കുകയാണ് മോഹന്‍ലാല്‍ ആരാധകര്‍.

നിരവധി ട്രോളുകളാണ് ആഷിക് അബുവിന്റെ പേരില്‍ സോഷ്യല്‍ മീഡിയയില്‍ പ്രചരിക്കുന്നത്. ഈ പ്രസ്താവനയെ മോഹന്‍ലാല്‍ എന്ന നടന്റെ വിജയമായി കണക്കാക്കിയാണ് ആഘോഷിക്കുന്നത്. ”കടിച്ച പാമ്പിനെ കൊണ്ട് തന്നെ വിഷം ഇറക്കിച്ചു” എന്ന തലക്കെട്ടോടെയാണ് ഇത്തരം വീഡിയോകള്‍ സോഷ്യല്‍ മീഡിയയില്‍ പ്രചരിക്കുന്നത്.