ആരാധകരുടെ നീണ്ട കാലമായുള്ള കാത്തിരിപ്പിന് വിരാമമിട്ട് മാമാങ്കം ലോകവ്യാപകമായി പ്രദര്‍ശനത്തിനെത്തിയിരിക്കുകയാണ്. ചിത്രത്തിന് ആശംസകള്‍ നേര്‍ന്ന് മോഹന്‍ലാല്‍ അടക്കമുള്ള സിനിമാ താരങ്ങള്‍ രംഗത്തു വന്നിരുന്നു. പ്രശസ്ത നടി അനുമോള്‍ ഉണ്ണി മുകുന്ദന്റെ പേര് എടുത്തു പറഞ്ഞാണ് ഈ ചിത്രത്തിന് ആശംസകള്‍ നല്‍കിയത്. ഇതില്‍ നിരസം തോന്നിയ ഒരു ആരാധകന്‍ ഇട്ട കമന്റും അതിന് അനുമോള്‍ നല്‍കിയ മറുപടിയുമാണ് സോഷ്യല്‍ മീഡിയയില്‍ ശ്രദ്ധ നേടുന്നത്.
ഉണ്ണി മുകുന്ദന്റെ പേര് എടുത്തു പറഞ്ഞുള്ള ആശംസയ്ക്ക് ഒരാള്‍ “പാവം ഇക്കയെ തേച്ചൊട്ടിച്ചു” എന്നാണ് കമന്റ് ചെയ്തത്. ഇത് ശ്രദ്ധയില്‍പ്പെട്ട അനു ഉടന്‍ തന്നെ അതിന് മറുപടിയും നല്‍കി. “മമ്മുക്ക നമ്മുടെ ഒക്കെ ആശംസകള്‍ക്കും മുകളില്‍ നില്‍ക്കുന്ന ആളല്ലേ” എന്നായിരുന്നു അനുമോളുടെ മറുപടി. എന്തായാലും സംഭവം സോഷ്യല്‍ മീഡിയയില്‍ ശ്രദ്ധ നേടിയിട്ടുണ്ട്.
https://www.instagram.com/p/B59XWAegoEw/?utm_source=ig_web_copy_link
Read more
മാമാങ്കത്തിന് റിലീസ് കേന്ദ്രങ്ങളില്‍ നിന്നെല്ലാം ചിത്രത്തിന് മികച്ച പ്രതികരണങ്ങളാണ് വരുന്നത്. വാക്കുകള്‍ കൊണ്ട് വര്‍ണിക്കാവുന്നതിനും അപ്പുറമാണ് ചിത്രമെന്നാണ് പ്രേക്ഷകര്‍ പറയുന്നത്.ചാവേറുകള്‍ക്കൊപ്പം ഒരു കാലഘട്ടത്തിന്റെ ചരിത്രം പറയാന്‍ മാമാങ്കം നാല് ഭാഷകളിലായി നാല്‍പത്തിയഞ്ച് രാജ്യങ്ങളിലെ രണ്ടായിരത്തോളം സ്‌ക്രീനുകളിലാണ് പ്രദര്‍ശനത്തിനെത്തിയിരിക്കുന്നത്. മലയാള സിനിമയിലെ ഏറ്റവും ചെലവേറിയ ചിത്രങ്ങളിലൊന്നായ മാമാങ്കം പുതിയ സാങ്കേതിക വിദ്യകള്‍ പരമാവധി പ്രയോജനപ്പെടുത്തിയാണ് പ്രേക്ഷകരിലേക്ക് എത്തിച്ചിരിക്കുന്നത്.
