ഇത് 'കാമിനി'യുടെ മറ്റൊരു വേര്‍ഷന്‍; വീഡിയോ വൈറല്‍

സണ്ണി വെയ്ന്‍ നായകനാകുന്ന “അനുഗ്രഹീതന്‍ ആന്റണി”യിലെ “”കാമിനി”” എന്ന ഗാനം അറുപത് ലക്ഷത്തിലധികം വ്യൂസുമായി സോഷ്യല്‍ മീഡിയയില്‍ ട്രെന്‍ഡിംഗ് ആയിരിക്കുകയാണ്. ഗാനത്തിന് ചുവടുവെച്ചും ഏറ്റുപാടിയും ടിക് ടോക് വീഡിയോകള്‍ ചെയ്തും യുവാക്കള്‍ക്കിടയില്‍ ഹരമായി മാറിയിരിക്കുകയാണ്.

ഗാനത്തിന് മനോഹരമായ കവര്‍ സോംഗ് ഒരുക്കിയിരിക്കുകയാണ് മാധ്യമപ്രവര്‍ത്തകയും ആര്‍ജെയുമായ ധനിസ ബെന്നി. സോഷ്യല്‍ മീഡിയയില്‍ വൈറലായിരിക്കുകയാണ് ഈ കവര്‍ സോംഗ്. ഷാരോണ്‍, എബിന എന്നിവരാണ് ഗാനരംഗത്തില്‍ പ്രത്യക്ഷപ്പെടുന്നത്.

പ്രിന്‍സ് ജോയി ആണ് അനുഗ്രഹീതന്‍ ആന്റണി സംവിധാനം ചെയ്യുന്നത്. “96” എന്ന തമിഴ് ചിത്രത്തിലൂടെ ശ്രദ്ധേയായ ഗൗരി കിഷന്‍ ആണ് നായിക. സിദ്ധിഖ്, സുരാജ് വെഞ്ഞാറമൂട്, ഇന്ദ്രന്‍സ്, ജാഫര്‍ ഇടുക്കി, മാലാ പാര്‍വതി തുടങ്ങിയവരാണ് സിനിമയിലെ മറ്റു പ്രധാന താരങ്ങള്‍. നവീന്‍ ടി മണിലാലാണ് ചിത്രത്തിന് തിരക്കഥ ഒരുക്കിയിരിക്കുന്നത്. ലക്ഷ്യ എന്റര്‍ടെയ്ന്‍മെന്‍സിന്റെ ബാനറില്‍ എം ഷിജിത്താണ് ചിത്രം നിര്‍മ്മിക്കുന്നത്.