മോഹന്ലാല്- പ്രിയദര്ശന് ചിത്രം മരക്കാര് അറബിക്കടലിന്റെ സിംഹത്തിന്റെ ട്രെയിലറിന് വമ്പന് സ്വീകരണമാണ് ലഭിച്ചുകൊണ്ടിരിക്കുന്നത്. 5 ഭാഷകളിലായി പുറത്തിറങ്ങിയ ട്രെയിലര് ട്രെന്ഡിംഗില് ഒന്നാം സ്ഥാനം കരസ്ഥമാക്കി മുന്നേറുകയാണ്. ഇപ്പോഴിതാ ട്രെയിലര് പങ്കുവെച്ചുകൊണ്ട് അമിതാഭ് ബച്ചന് കുറിച്ച വാക്കുകളാണ് വൈറലാകുന്നത്. എന്റെ സുഹൃത്തും സഹപ്രവര്ത്തകനുമായ മോഹന്ലാലിന്റെ ആരാധകനാണ് ഞാന് അദ്ദേഹം തന്റെ പുതിയ ചിത്രത്തിന്റെ ട്രെയിലര് കാണാനാവശ്യപ്പെട്ടിരുന്നു ഞാന് ഇപ്പോള് മോഹന്ലാല് താങ്കളോടുള്ള എന്റെ ആരാധന വര്ധിച്ചിരിക്കുകയാണ്. ബച്ചന് ട്വീറ്റ് ചെയ്തു.
ചിത്രം മാര്ച്ച് 26- നാണ് തിയേറ്ററുകളിലെത്തുക. വമ്പന് ബജറ്റിലൊരുങ്ങുന്ന ചിത്രത്തിന് വി.എഫ്.എക്സ് ഒരുക്കുക മാര്വെല് സിനിമകള്ക്ക് വി.എഫ്.എക്സ് ഒരുക്കിയ അനിബ്രയിന് ആണ്. ലോക സിനിമയിലെ തന്നെ പല വമ്പന് സിനിമകള്ക്കും വി എഫ് എക്സ് ഒരുക്കിയിട്ടുള്ളവരാണ് അനിബ്രയിന്. കിംഗ്സ്മാന്, ഗ്വാര്ഡിയന് ഓഫ് ഗ്യാലക്സി, ഡോക്ടര് സ്ട്രെയിഞ്ച്, നൗ യൂ സീ മീ 2 എന്നിവ ഇവയില് ചിലത് മാത്രം.
Read more
ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് നിര്മ്മാണം. ഡോക്ടര് റോയ്, സന്തോഷ് ടി കുരുവിള എന്നിവര് സഹനിര്മ്മാതാക്കളാണ്. പ്രഭു, അര്ജുന്, ഫാസില്, സുനില് ഷെട്ടി, മഞ്ജു വാര്യര്, കീര്ത്തി സുരേഷ്, കല്യാണി പ്രിയദര്ശന്, നെടുമുടി വേണു, മുകേഷ്, സിദ്ദിഖ്, രഞ്ജി പണിക്കര്, ഹരീഷ് പേരടി തുടങ്ങിയ വമ്പന് താരനിരയാണ് ചിത്രത്തിലുള്ളത്.