വീട്ടിലെ റംബൂട്ടാന് മരങ്ങളെ കുറിച്ച് നടി അഹാന. റംബൂട്ടാന് മരങ്ങള് വളര്ത്താനുണ്ടായ സാഹചര്യത്തെ കുറിച്ചും ഓര്മ്മകളെ കുറിച്ചും പറയുന്ന അഹാനയുടെ വീഡിയോ സോഷ്യല് മീഡിയയില് ചര്ച്ചയാവുകയാണ്. റംബൂട്ടാന്റെ ഫുള് ക്രെഡിറ്റും അച്ഛന് കൃഷ്ണകുമാറിനാണ് അഹാന നല്കുന്നത്.
അച്ഛന് മക്കളേക്കാള് പ്രിയപ്പെട്ടതാണ് റംബൂട്ടാന് എന്നാണ് അഹാന പറയുന്നത്. “”ഞങ്ങളുടെ കുടുംബത്തിലേയ്ക്ക് കടയില് നിന്ന് റംബൂട്ടാന് മേടിക്കണമെങ്കില് നിസാര പൈസ പോര. അതുകൊണ്ടാരിക്കാം അച്ഛന് ഇങ്ങനെയൊരു നീക്കം നടത്തിയത്. പക്ഷേ ഈ റംബൂട്ടാന് മരം ഞാന് ജനിക്കുന്നതിനു മുമ്പേ നട്ടതാണ്”” എന്ന് അഹാന പറയുന്നു.
വാടകവീട്ടില് ആയിരുന്നപ്പോള് അമ്മ റംബൂട്ടാന് കഴിച്ച് വെറുതെയിട്ട കുരു മുളച്ച് വന്നതാണ്. പുതിയ വീട് വെച്ചപ്പോള് ആ മരം അതുപോലെ തന്നെ ഇവിടെ കൊണ്ട് വെയ്ക്കുകയായിരുന്നു. അഞ്ച് റംബൂട്ടാന് മരങ്ങളാണ് അഹാനയുടെ വീട്ടിലുള്ളത്. ഒരുപാട് പഴങ്ങള് ഉണ്ടാകാറുണ്ടെന്നും സ്കൂളില് പഠിക്കുന്ന കാലത്ത് കവറുകളിലാക്കി സുഹൃത്തുക്കള്ക്ക് നല്കാറുണ്ടെന്നും അഹാന പറഞ്ഞു.
ബന്ധുക്കള്ക്കും സുഹൃത്തുക്കള്ക്കും എല്ലാം റംബൂട്ടാന് കൊടുക്കാറുണ്ട്. പഠിക്കുന്ന സമയത്ത് ഹോസ്റ്റലിലേക്കും കൊറിയറായി റംബൂട്ടാന് എത്തിക്കാറുണ്ടെന്നും അഹാന പറയുന്നു. ഒരു മാസം കൊണ്ട് പഴുത്ത റംബൂട്ടാന് മരത്തിന്റെ ചുവട്ടില് നില്ക്കുന്ന ചിത്രങ്ങള് അഹാനയും സഹോദരിമാരും ഇന്സ്റ്റഗ്രാമിലൂടെ പങ്കുവച്ചിരുന്നു.
Read more
https://www.instagram.com/p/CCh712dgusC/