രാമലീലയ്ക്ക് ശേഷം ദിലീപും അരുണ്‍ ഗോപിയും വീണ്ടും; സിനിമ ആരംഭിച്ചു

രാമലീലയ്ക്ക് ശേഷം അരുണ്‍ ഗോപി സംവിധാനം ചെയ്യുന്ന ദിലീപ് ചിത്രം കളിക്കോട്ട പാലസില്‍ ആരംഭിച്ചു.അജിത് വിനായകാ ഫിലിംസിന്റെ ബാനറില്‍ വിനായകാ അജിത്താണ് ഈ ചിത്രം നിര്‍മ്മിക്കുന്നത്. ദുരൂഹതകള്‍ ഒരുക്കി ജേര്‍ണി കം ത്രില്ലറായിരിക്കും ചിത്രം.ഉദയ്കൃഷ്ണയുടേതാണ് തിരക്കഥ.

തെന്നിന്ത്യന്‍ നടി തമന്ന നായികയാകുന്ന ചിത്രത്തില്‍ മറ്റു ഭാഷകളിലെ അഭിനേതാക്കള്‍ ശ്രദ്ധേയമായ വേഷം കൈകാര്യം ചെയ്യുന്നുണ്ട്. ബോളിവുഡിലെ അഞ്ചു പ്രമുഖ വില്ലന്മാര്‍ ഈ ചിത്രത്തില്‍ അഭിനയിക്കുന്നുണ്ടെന്ന് സംവിധായകനായ അരുണ്‍ ഗോപി പറഞ്ഞു.

സിദ്ദിഖ്, കലാഭവന്‍ ഷാജോണ്‍, ഗണേഷ് കുമാര്‍, എന്നിവരും ഈ ചിത്രത്തിലെ പ്രധാന വേഷങ്ങളിലെത്തുന്നു. സംഗീതം -സാം സി.എസും ഷാജികുമാര്‍ ഛായാഗ്രഹണവും വിവേക് ഹര്‍ഷന്‍ എഡിറ്റിംഗും നിര്‍വഹിക്കുന്നു. കലാസംവിധാനം – സുഭാഷ് കരുണ്‍,മേക്കപ്പ് – രഞ്ജിത്ത് അമ്പാടി, കോസ്റ്റ്യം ഡിസൈന്‍-പ്രവീണ്‍ വര്‍മ്മ,അസോസിയേറ്റ് ഡയറക്ടര്‍ – പ്രകാശ്.ആര്‍.നായര്‍, ചീഫ് അസ്സോസിയേറ്റ് ഡയറക്ടര്‍ -രതീഷ് പാലോട്, പ്രൊഡക്ഷന്‍ എക്സിക്യുട്ടീവ്സ്- ഷിഹാബ് വെണ്ണല, ആന്റണി കുട്ടമ്പുഴ.കൊച്ചി, യു.പി, ജാര്‍ഖണ്ഡ്, ഗുജറാത്ത്, മുംബൈ എന്നിവിടങ്ങളിലായിട്ടാണ് ചിത്രീകരണം.