കന്നട നടനും നിര്മ്മാതാവുമായ നവീനുമൊത്തുള്ള ഭാവനയുടെ വിവാഹം എന്നു നടക്കും എന്നതിനെക്കുറിച്ച് നിരവധി വാര്ത്തകള് പ്രചരിച്ചിരുന്നു. ഭാവനയുടെ വിവാഹം ഒക്ടോബറില് ഉണ്ടാകുമെന്നായിരുന്നു ആദ്യം പുറത്തുവന്ന റിപ്പോര്ട്ടുകള്. എന്നാല് ഇതിനെയൊക്കെ തള്ളി നവീനിന്റെ കുടുംബം തന്നെ രംഗത്തെത്തിയിരുന്നു. എന്നാല് ഇരുവരുടെയും വിവാഹം എന്നു നടക്കുമെന്ന് വ്യക്തമാക്കിയിരിക്കുകയാണ് ഭാവനയുടെ അനുജന്.
ഇരുവരുടെയും വിവാഹം ജനുവരി 22 ന് തൃശൂരില് നടക്കും. തൃശൂര് കോവിലകത്തും പാടത്തുമുള്ള ജവഹര്ലാല് നെഹ്റു കണ്വെന്ഷന് സെന്ററില് വച്ചാണ് ഇരുവരുടെയും വിവാഹം. ബന്ധുക്കള്ക്കും അടുത്ത സുഹൃത്തുക്കളെയും മാത്രമേ പങ്കെടുപ്പിക്കുകയുള്ളു.അന്ന് വൈകുന്നേരം തൃശൂര് ലുലു കണ്വെന്ഷന് സെന്ററില് സിനിമാ- രാഷ്ട്രീയ മേഖലയിലുള്ളവര്ക്കായി വിവാഹ സത്കാരം ഒരുക്കിയിട്ടുണ്ട്. ഭാവനയുടെ വിവാഹത്തിന്റെ തിയതികള് സോഷ്യല് മീഡിയയില് പ്രചരിക്കുന്നതിനിടയിലാണ് സഹോദരന് രാജേഷ് വിവാഹ തിയതി സ്ഥിരീകരിച്ചത്.
Read more
നേരത്തെ വിവാഹവാര്ത്ത വൈകിയതോടെയാണ് ഊഹാപോഹവുമായാണ് സോഷ്യല് മീഡിയയില് വാര്ത്തകള് പ്രചരിപ്പിച്ചത്. നവീന്റെ അമ്മ മരിച്ച് ഒരു വര്ഷം തികയാന് കാത്തിരുന്നതിനാലാണ് വിവാഹം നീട്ടിവെക്കാനിടയായത്. അത് വളരെ നേരത്തെ തന്നെ എടുത്ത തീരുമാനമായിരുന്നു. ഇപ്പോള് നവീന് വിവാഹം വേണ്ടെന്നു പറഞ്ഞതായി പ്രചരിച്ച വാര്ത്തകള് തികച്ചും അടിസ്ഥാന രഹിതമാണെന്നും നുജന് വ്യക്തമാക്കി. അടുത്ത ബന്ധുക്കളും സുഹൃത്തുക്കളും പങ്കെടുത്ത വിവാഹ നിശ്ചയ ചടങ്ങ് മാര്ച്ചിലാണ് നടന്നത്.