ഷൂട്ടിംഗ് ചാമ്പ്യന്ഷിപ്പില് 6 മെഡല് കരസ്ഥമാക്കി തമിഴകത്തിന്റെ സൂപ്പര്താരം അജിത്ത്. 46-ാം തമിഴ്നാട് സ്റ്റേറ്റ് ഷൂട്ടിംഗ് ചാമ്പ്യന്ഷിപ്പിലാണ് താരം നേട്ടം കൊയ്തിരിക്കുന്നത്. തമിഴ്നാട്ടിലെ വിവിധ ജില്ലകളില് നിന്നായി 900ല് അധികം ഷൂട്ടര്മാര് മത്സരിച്ച ചാമ്പ്യന്ഷിപ്പില് ചെന്നൈ റൈഫിള് ക്ലബിനെ പ്രതിനിധീകരിച്ചാണ് അജിത്ത് പങ്കെടുത്തത്.
ചെന്നൈ റൈഫിള് ക്ലബ്ബില് നിന്നും അജിത്തിനെ കൂടാതെ സിദ്ധാര്ഥ് ശിവകുമാര്, എ ജഗന്നാഥന്, സുമീത് ഹര്കിഷന്ദാസ് സാങ്വി, വിജയ് കുമാര്, മധു, എസ് സുധാകര് എന്നിവരും മത്സരിച്ചിരുന്നു. നാല് സ്വര്ണവും 2 വെള്ളിയുമാണ് അജിത്തും ടീമും സ്വന്തമാക്കിയത്.
10 മീറ്റര് എയര് പിസ്റ്റള് വിഭാഗത്തിലും, 25 മീ സെന്റര് ഫയര് പിസ്റ്റള് വിഭാഗത്തിലും, 25 മീറ്റര് സ്റ്റാന്റേര്ഡ് പിസ്റ്റള് വിഭാഗത്തിലും, 50 മീറ്റര് ഫ്രീ പിസ്റ്റള് വിഭാഗത്തിലുമാണ് സ്വര്ണമെഡല് കരസ്ഥമാക്കിയത്. മാര്ച്ച് 2 മുതല് മാര്ച്ച് 7 വരെയായിരുന്നു മത്സരം നടന്നത്.
ഷൂട്ടിംഗ് പോലെ തന്നെ ബൈക്ക് റേസിംഗ്, കാര് റേസിംഗ് തുടങ്ങി സാഹസികത ഏറെ ഇഷ്ടപ്പെടുന്ന താരം കൂടിയാണ് അജിത്ത്. കൊല്ക്കത്തയിലേക്ക് സൈക്കിള് ട്രിപ്പ് നടത്തിയ ചിത്രങ്ങളും സോഷ്യല് മീഡിയയില് വൈറലായിരുന്നു. സിക്കിമിലേക്ക് ബൈക്ക് ട്രിപ്പും താരം നടത്തിയിരുന്നു.