ചേട്ടന്റേം അനിയന്റേം പടങ്ങളെടുത്ത് നാല് കൊല്ലം പോയി, കല്യാണം കഴിക്കാന്‍ പോലും പറ്റിയില്ല: വിശാഖ്

 

വിനീത് ശ്രീനിവാസനേയും ധ്യാനിനേയും കുറിച്ച് രസകരമായ കമന്റുമായി വിശാഖ് സുബ്രഹ്‌മണ്യം. ചേട്ടന്റേം അനിയന്റേം സിനിമയെടുത്ത് തനിക്ക് കല്യാണം കഴിക്കാന്‍ പോലും പറ്റിയില്ലെന്നാണ് വിശാഖ് പറഞ്ഞത്. ജനുവരി 21 ന് പുറത്തിറങ്ങുന്ന ഹൃദയത്തിന്റെ നിര്‍മാതാവാണ് വിശാഖ്. ബിഹൈന്‍ഡ് വുഡ്സിന് നല്‍കിയ അഭിമുഖത്തിലാണ് വിശാഖിന്റെ പ്രതികരണം.

 

34 വയസായിട്ടും കല്യാണം കഴിക്കാത്തതെന്താണെന്ന അവതാരകയുടെ ചോദ്യത്തിന് മറുപടി നല്‍കുകയായിരുന്നു വിശാഖ്. ‘ചേട്ടന്റേം അനിയന്റേം പടമെടുത്ത് എന്റെ നാല് കൊല്ലമാണ് പോയത്. രണ്ട് കൊല്ലം ഒരു പടം, രണ്ട് കൊല്ലം അടുത്ത പടം,’ വിശാഖ് പറഞ്ഞു.

 

2019 സെപ്റ്റംബറില്‍ ധ്യാന്‍ ശ്രീനിവാസന്റെ സംവിധാനത്തില്‍ പുറത്തിറങ്ങിയ ലവ് ആക്ഷന്‍ ഡ്രാമയുടെ നിര്‍മാതാവും വിശാഖ് ആയിരുന്നു. 2019 സെപ്റ്റംബറില്‍ ലവ് ആക്ഷന്‍ ഡ്രാമ ഇറങ്ങി. അടുത്ത ഡിസ്ട്രിബൂഷന്‍ പടം ഹെലന്‍ ഒക്ടോബര്‍ വന്നു. ഡിസംബറില്‍ ഹൃദയത്തിന്റെ പ്രീപ്രൊഡക്ഷന്‍ ഷൂട്ട് കഴിഞ്ഞ് ലോക്ക്ഡൗണ്‍, കോവിഡ് അങ്ങനെ പോയി,’ വിശാഖ് ചിരിച്ചുകൊണ്ട് പറഞ്ഞു.

വിനീത് ശ്രീനിവാസന്‍ തന്നെയാണ് ചിത്രത്തിന്റെ തിരക്കഥയും എഴുതിയിരിക്കുന്നത്. അജു വര്‍ഗ്ഗീസ്,അരുണ്‍ കുര്യന്‍, വിജയരാഘവന്‍ തുടങ്ങിയവരാണ് ചിത്രത്തിലെ മറ്റു താരങ്ങള്‍.