ഒരാളെ മാത്രമായി റോള്മോഡലാക്കി വച്ചിട്ട് അതുമാത്രം ഫോളോ ചെയ്യുന്നതില് കാര്യമില്ലെന്ന് നടന് ടൊവിനോ ദേശാഭിമാനിയ്ക്ക് നല്കിയ ്ഭിമുഖത്തില് പറഞ്ഞു. എല്ലാവരില് നിന്നുമുള്ള നല്ല ഗുണങ്ങളും നമുക്ക് അനുകരിക്കാവുന്നതാണ്. അങ്ങനെയാണ് ഞാന് ചിന്തിക്കുന്നത്. ഒരു കഴിവുമില്ലാതെ ഇന്നേവരെ ആരും ജനിച്ചിട്ടില്ല. എല്ലാ കഴിവുകളോടുകൂടിയും ആരും ജനിച്ചിട്ടില്ല. നമ്മുടെ ഉള്ളിലെ കഴിവിനെ അറിയാന് ശ്രമിക്കുക. അതു കൊണ്ടുതന്നെ പലരില് നിന്നും സ്വാംശീകരിക്കാവുന്ന ഒന്നാകണം മാതൃക എന്നു തോന്നുന്നു- ടൊവിനോ വ്യക്തമാക്കി
അഭിനയിക്കുക എന്നതുതന്നെയാണ് ഇഷ്ടം. പ്രകൃതിയുമൊക്കെയായി അടുത്തിടപഴകിയുള്ള ജീവിതം സ്വപ്നം കാണാറുണ്ട്. ജിം കാരി എന്ന നടന് സകലതിരക്കുകളും മാറ്റി ഇപ്പോള് പ്രകൃതിയുമായി ഏറെ ഇണങ്ങി ജീവിക്കുകയാണ്. ഇപ്പോഴുള്ള അദ്ദേഹത്തിന്റെ എല്ലാ ഫോട്ടോകളിലും ആ ചൈതന്യം നമുക്ക് കാണാന് സാധിക്കും. പണ്ടുണ്ടായിരുന്ന സ്റ്റാന്ഡ് അപ് കൊമേഡിയന് എന്ന ഭാവമേയില്ല ആ മുഖത്തിപ്പോള്. എന്റെയൊരു റിട്ടയേര്ഡ് ലൈഫ് എന്നൊക്കെ പറഞ്ഞാല് അങ്ങനെയൊക്കെ ആയിരിക്കണമെന്നുണ്ട്.- ടൊവിനോ പറഞ്ഞു
Read more
നമുക്കൊരു മോശം അവസ്ഥ വരുമ്പോഴാണ് യഥാര്ഥ സുഹൃത്തുക്കളെയൊക്കെ അറിയുന്നത്. എനിക്കും അത്തരം ഒരുപാട് അവസ്ഥകള് ഉണ്ടായിട്ടുണ്ട്. നല്ല സുഹൃത്തുക്കളെ തിരിച്ചറിയുകയും ചെയ്തിട്ടുണ്ട്. അവരെയൊക്കെ ഇപ്പോഴും ഒപ്പം ചേര്ത്തുപിടിച്ചിട്ടുമുണ്ട്. ഇത്തരം അറിവും തിരിച്ചറിവുമൊക്കെ അനുഭവത്തില് നിന്നും പഠിച്ചതാണ്. കോയമ്പത്തൂരായിരുന്നു എന്ജിനിയറിങ്ങിന് പഠിച്ചത്. അവിടെ ഇന്ഡിപെന്ഡന്റ് ലൈഫായിരുന്നു. ഭക്ഷണം പാകംചെയ്യുക, തുണിയലക്കുക അങ്ങനെ. താമസിക്കുന്ന റൂമിന്റെ വാടക നല്കുന്ന കാര്യങ്ങളും നോക്കിയത് ഞാന് തന്നെയായിരുന്നു. ഈ കാലത്തൊക്കെ ഒരുപാട് ജീവിതം അറിയാന് കഴിഞ്ഞു- ടൊവിനോ മനസ് തുറന്നു