പുരി ജഗന്നാഥ് വിജയ് ദേവരക്കൊണ്ടയെ നായകനാക്കി ഒരുക്കുന്ന സിനിമ ലിഗെറിന്റെ പുത്തന് പോസ്റ്ററുകള് സോഷ്യല് മീഡിയ കീഴടക്കി മുന്നേറുകയാണ്. വിജയ് ദേവരക്കൊണ്ട് പൂര്ണ്ണ നഗ്നനായി നില്ക്കുന്ന ചിത്രത്തോടെയുള്ള പോസ്റ്ററാണ് വൈറലാകുന്നത്.
കൈയ്യില് പിടിച്ചിരിക്കുന്ന റോസാപ്പൂക്കള് കൊണ്ടുള്ള ബൊക്കെ കൊണ്ട് നഗ്നത മറച്ചാണ് താരം പോസ്റ്ററില് പ്രത്യക്ഷപ്പെട്ടിട്ടുള്ളത്. മുന്പ് പുറത്തിറക്കിയ ഫസ്റ്റ് ലുക്ക് പോസ്റ്ററില് വിജയ് ദേവരക്കൊണ്ട ബോക്സറുടെ ലുക്കിലാണ് പോസ്റ്ററില് പ്രത്യക്ഷപ്പെട്ടിരുന്നത്.
പോസ്റ്റര് പങ്കിട്ടു കൊണ്ട് വിജയ് ദേവരക്കൊണ്ട കുറിച്ച വാക്കുകളും ഇപ്പോള് ശ്രദ്ധിക്കപ്പെടുകയാണ്. ഈ സിനിമ എന്റെ എല്ലാം എടുത്തു, ഒരു പ്രകടനമെന്ന നിലയില്, മാനസികമായും ശാരീരികമായും എന്റെ ഏറ്റവും വെല്ലുവിളി നിറഞ്ഞ വേഷമാണ് ഇതെന്നും വിജയ് ദേവരക്കൊണ്ട കുറിച്ചു.
ഞാനെല്ലാം നിങ്ങള്ക്ക് വിട്ടുതരികയാണെന്നും ലിഗര് ഉടന് എത്തുമെന്നും വിജയ് ദേവരക്കൊണ്ട കുറിച്ചിരിക്കുന്നു. ഒരു മിക്സഡ് മാര്ഷ്യല് ആര്ട്സ് അഭ്യാസിയായാണ് വിജയ് ദേവരകൊണ്ട ചിത്രത്തിലെത്തുക. അനന്യ പാണ്ഡേയാണ് നായിക.
Read more
ബോക്സിംഗ് ചാമ്പ്യന് മൈക്ക് ടൈസണ് ആദ്യമായി ഇന്ത്യന് സിനിമയുടെ ഭാഗമാകുന്ന ചിത്രം കൂടിയാണ് ലിഗര്. തെലുങ്കില് ഒരുങ്ങുന്ന ചിത്രത്തിന്റെ ക്ലൈമാക്സ് ഭാഗങ്ങളില് ടൈസണ് അതിഥി വേഷത്തില് എത്തുമെന്നാണ് വിവരം.