ശ്യാം പുഷ്കരന്റെ തിരക്കഥയില് മനു സി നാരായണന് സംവിധാനം ചെയ്ത “കുമ്പളങ്ങി നെറ്റ്സി”ലെ ശ്രീനാഥ് ഭാസിയുടെ ബോണി അതുവരെ താരം ചെയ്ത ചിത്രങ്ങളില് നിന്നെല്ലാം വ്യത്യസ്തമായിരുന്നു. നടന് ഊമയായിട്ടെത്തിയപ്പോള് ആ രൂപമാറ്റം പ്രേക്ഷകര്ക്ക് ഇഷ്ടപ്പെടുകയും ചെയ്തു. ഇപ്പോഴിതാ മാറിയ സിനിമാക്കാലത്തെക്കുറിച്ച് മനസ്സുതുറന്നിരിക്കുകയാണ് താരം. ഹീറോയിസം എന്നത് മണ്ടത്തരമായ ഒരു സംഗതിയാണെന്ന് ശ്രീനാഥ് ഭാസി പറയുന്നു. സമയവും കാലവും മാറി കഴിഞ്ഞു. ചിത്രത്തില് വില്ലനായെത്തിയ ഫഹദ് ആ മാറ്റം ഉള്ക്കൊണ്ടാണ് മത്സരിക്കുന്നതെന്നും “മാതൃഭൂമി സ്റ്റാര് ആന്റ് സ്റ്റൈലുമായുള്ള അഭിമുഖത്തില് അദ്ദേഹം പറഞ്ഞു.
“ഹീറോയിസം ഒക്കെ ഭയങ്കര മണ്ടത്തരമായ ഒരു സംഗതിയാണ്. സമയവും കാലവും മാറി കഴിഞ്ഞു. ആ മാറ്റം ഉള്ക്കൊണ്ടാണ് ഫഹദ് അഭിനയിക്കുന്നത്. അച്ഛന് ഒരിക്കല് ചോദിച്ചിട്ടുണ്ട്, തൊണ്ടിമുതലു (തൊണ്ടിമുതലും ദൃക്സാക്ഷിയും) പോലൊരു സിനിമയ്ക്ക് ഫഹദ് എങ്ങനെയാണ് ഓക്കെ പറഞ്ഞതെന്ന്, ആ ചിന്താഗതിയില് നിന്ന് ഫഹദ് ഒരു പാട് മുന്നോട്ട് പോയി കഴിഞ്ഞു. അതറിയണമെങ്കില് നമ്മള് പുറത്ത് പോകണം.”
Read more
ചെയ്ത സിനിമകളില് ഏറ്റവും ഇഷ്ടപ്പെട്ട ചിത്രമെന്നൊന്നില്ലെന്നും ശ്രീനാഥ് ഭാസി പറയുന്നു. ” ഒരു സിനിമ ചെയ്തു കഴിഞ്ഞാല് അതിനോട് കൂടുതല് ഇമോഷണല് അറ്റാച്ച്മെന്റ് ഇല്ലാതിരിക്കുകയാണ് നല്ലത്. ഭയങ്കരമായി ഇഷ്ടപ്പെട്ട് ഒരു കഥാപാത്രമൊക്കെ ചെയ്ത് ഒരാഴ്ച കൊണ്ട് അത് തിയ്യേറ്ററില് നിന്ന് എടുത്തുമാറ്റിയാല് സഹിക്കാന് പറ്റുമോ ? അതുകൊണ്ട് കൂടുതല് ഇമോഷന് വേണ്ട. ഒരു സിനിമ ചെയ്യുമ്പോള് അത് സന്തോഷത്തോടെ ചെയ്യുക. അതു കഴിഞ്ഞാല് ആ കഥാപാത്രത്തെ താന് ഉപേക്ഷിക്കും.” താരം കൂട്ടിച്ചേര്ത്തു.