മലയാളികളുടെ പ്രിയപ്പെട്ട നടി ശ്രീവിദ്യ മണ്‍മറഞ്ഞിട്ട് ഇന്നലത്തേക്ക് 13 വര്‍ഷം. 2006 ഒക്ടോബര്‍ 19നാണ് ശ്രീവിദ്യ മരണമടഞ്ഞത്. എങ്കിലും നൂറുകണക്കിന് സിനിമകളിലൂടെ ശ്രീവിദ്യ ഇന്നും പ്രേക്ഷകഹൃദയത്തില്‍ ജീവിക്കുന്നു. ഇപ്പോഴിതാ മരണദിനത്തില്‍ ശ്രീവിദ്യയെ അനുസ്മരിച്ച് രംഗത്ത് വന്നിരിക്കുകയാണ് സംവിധായകന്‍ ശ്രീകുമാര്‍ മേനോന്‍.
ജീവിതത്തില്‍ ശ്രീവിദ്യയെപ്പോലെ ദുഃഖിച്ച വേറൊരാളുണ്ടാവില്ലെന്ന് ഫെയ്‌സ്ബുക്കില്‍ പങ്കുവെച്ച കുറിപ്പില്‍ ശ്രീകുമാര്‍ മേനോന്‍ പറഞ്ഞു. “40 വര്‍ഷവും സിനിമയില്‍ ജീവിച്ചാണ് ശ്രീവിദ്യാമ്മ 53 വയസില്‍ വിട പറയുന്നത്. പാട്ടും നൃത്തവും അഭിനയവും സൗന്ദര്യവും എല്ലാം ഒത്തിണങ്ങിയ അപൂര്‍വ്വ പ്രതിഭ.”
“എല്ലാവര്‍ക്കും വേണ്ടവളായിരുന്നു, നല്ല കാലത്ത്. ഒടുക്കം ആരുമില്ലാതായി” എന്നു പറയുന്നത് ശ്രീവിദ്യാമ്മയെ കുറിച്ചാണെന്നു തോന്നിയിട്ടുണ്ട്. ശ്രീവിദ്യാമ്മയെ പോലെ ദുഃഖിച്ച മറ്റൊരാളുണ്ടാവില്ല… ഇനി അങ്ങനെയാരും സങ്കടപ്പെടല്ലേയെന്ന് പ്രാര്‍ത്ഥിക്കുന്നു.” ശ്രീകുമാര്‍ മേനോന്‍ കുറിച്ചു.
