മോഹന്‍ലാലിനെ നായകനാക്കി “ദ കോമറേഡ്” എന്ന പേരില്‍ ചിത്രം ചെയ്യാനൊരുങ്ങുന്നു എന്ന രീതിയില്‍ പ്രചരിക്കുന്ന വ്യാജവാര്‍ത്തകള്‍ക്കും പോസ്റ്ററിനുമെതിരെ സംവിധായകന്‍ ശ്രീകുമാര്‍ മേനോന്‍ രംഗത്ത്. ഒടിയന്‍ എന്ന ചിത്രത്തിന്റെ ആലോചനകള്‍ക്ക് മുമ്പെ താന്‍ ആലോചിച്ച പ്രൊജക്ട് ആണിതെന്നും അതിന്റ ഭാഗമായി വരച്ച ചില സ്‌കെച്ചുകളാണ് ചിലരിപ്പോള്‍ പുറത്തു വിട്ടിരിക്കുന്നതെന്നും ശ്രീകുമാര്‍ മേനോന്‍ ഫെയ്‌സ്ബുക്കില്‍ പങ്കുവെച്ച കുറിപ്പില്‍ പറഞ്ഞു.
ഹരികൃഷ്ണന്റെ തിരക്കഥയില്‍ മോഹന്‍ലാലിനെ കേന്ദ്രകഥാപാത്രമാക്കി ശ്രീകുമാര്‍ മേനോന്‍ സംവിധാനം ചെയ്യുന്ന ചിത്രമെന്ന പേരില്‍ സോഷ്യല്‍ മീഡിയയിലുട നീളം ഒരു പോസ്റ്ററും ചിത്രങ്ങളും പ്രചരിച്ചിരുന്നു. ഈ സാഹചര്യത്തിലാണ് ശ്രീകുമാര്‍ മേനോന്റെ ഫെയ്‌സ്ബുക്ക് പോസ്റ്റ്.
ഫെയ്‌സ്ബുക്ക് കുറിപ്പ്…
“ഇന്ന് സോഷ്യല്‍ മീഡിയയില്‍ ഞാന്‍ ശ്രീ മോഹന്‍ലാല്‍-നെ നായകനാക്കി COMRADE എന്ന പേരില്‍ സംവിധാനം ചെയുന്ന സിനിമ യുടെ ചില പോസ്റ്ററുകള്‍ പ്രചരിക്കുക ഉണ്ടായി. Creative പോസ്റ്റേഴ്‌സിന്റെ ഭാഗമായി ഈ രംഗത്തുള്ള എല്ലാവരും പല പ്രൊജക്റ്റ് കളും ആലോചിക്കും. അതില്‍ ചിലത് നടക്കും ചിലത് നടക്കില്ല. Comrade എന്ന ഈ പ്രൊജക്റ്റ് വളരെ മുന്‍പ് ആലോചിത് ആണ് ഒടിയനും മുന്‍പേ. അതിന്റെ ഭാഗമായി വരച്ചു നോക്കിയ കോണ്‍സെപ്‌റ് സ്‌കെച്ച്കള്‍ ആണ് ഇപ്പൊ ആരോ പുറത്തുവിട്ടിരിക്കുന്നത്. ഈ വാര്‍ത്ത യാഥാര്‍ഥ്യം അല്ല. ലാലേട്ടന്‍ അറിയാത്ത വാര്‍ത്ത കൂടിയാണിത്. ഇത് പ്രചരിപ്പിക്കരുത് എന്ന് വിനീതമായി അഭ്യര്‍ത്ഥിക്കുന്നു. ഇത് ആര് പുറത്തു വിട്ടതാണെങ്കിലും വര്‍ക്ക് എത്തിക്‌സ് നു നിരക്കാത്ത പ്രവര്‍ത്തിയായി പോയി.”
Read more
https://www.facebook.com/vashrikumar/posts/2121089744665411?__xts__[0]=68.ARDtDZMiQDxmFxNACtPhFLEwHaST6F9F5gATpw0MqADfizlCb6_bc20n49c5LGH0-8kzRu73OEb96ssPLW2KBqLU4tFNRYhg-9IeP0Un1rBXavWXap1OkP1-HvndveDZn56x3CxddtQHkPGRF-xCVRNx0dBRqE03I7999Zkvhe9YizrycjfnvuIhfHoTzsRiCZpHBPNasaWglaYukSLOQOsHEVzM7OKHKZ2jpBYtUtJAdgy2qu-I_vW-cRtIek15SZb6DYUkkUHvYiK44hAHOvjEqd_oMr4WCq965Mmvh41QWX36dUI__3T07AVQrdkkITc-eGwKE3MGhnpnoYvVIg&__tn__=-R
