ചുരുങ്ങിയ കാലം കൊണ്ട് ഇത്രമേല്‍ ജനപ്രീതി എങ്ങനെ നേടിയെടുത്തു?; സൗബിന്‍ പറയുന്നു

ചുരുങ്ങിയ കാലം കൊണ്ട് മലയാള സിനിമയില്‍ തന്റേതായ ഇടം നേടിയെടുത്ത നടനാണ് സൗബിന്‍ ഷാഹിര്‍. ചെറിയ കഥപാത്രങ്ങളിലൂടെ ക്യാമറയ്ക്ക് മുന്നില്‍ എത്തി ഇന്ന് മലയാള സിനിമയുടെ സ്ഥിരം മുഖമായി മാറിയിരിക്കുകയാണ് സൗബിന്‍. ചുരുങ്ങിയ കാലം കൊണ്ട് എങ്ങനെ സൗബിന്‍ ഇത്രമേല്‍ ജനപ്രിയത നേടി. സൗബിന്‍ തന്നെ അതിനെ കുറിച്ച് പറയുന്നു.

“സത്യം പറഞ്ഞാല്‍ അത് എങ്ങനെ എന്ന എനിക്കും അത് ഇതുവരെ മനസ്സിലായിട്ടില്ല. പ്രേക്ഷകരെ രസിപ്പിക്കാനും ചിരിപ്പിക്കാനുമായി ഞാന്‍ പ്രത്യേകിച്ചൊന്നും ചെയ്യുന്നില്ല. പ്രേക്ഷകരുടെ സ്നേഹമാണ് അവര്‍ കൈയടിയിലൂടെ പ്രകടിപ്പിക്കുന്നതെന്നാണ് ഞാന്‍ കരുതുന്നത്. അവരുടെ കൈയടിയും സ്നേഹവും ലഭിക്കുന്നത് എന്റെ ഭാഗ്യം.”

“പിന്നെ, കഥാപാത്രമായി സന്ദര്‍ഭത്തിനൊത്ത് സ്വാഭാവികമായി പെരുമാറാനാണ് ഞാന്‍ ശ്രമിക്കാറുള്ളത്. ടേക്ക് കഴിഞ്ഞാല്‍ ഞാന്‍ മോണിറ്ററില്‍ പോയി നോക്കാറില്ല. കാരണം അങ്ങനെ ചെയ്യുമ്പോള്‍ ടെന്‍ഷന്‍ കൂടുകയേയുള്ളൂ. സ്വാഭാവികമായി വരുന്ന ആക്ഷനെ ബാധിക്കേണ്ട എന്ന് കരുതി മോണിറ്ററിന് മുന്നിലേക്ക് പോകാതിരിക്കാന്‍ ഞാന്‍ പരമാവധി ശ്രമിക്കാറുണ്ട്.” മാതൃഭൂമിയുമായുള്ള അഭിമുഖത്തില്‍ സൗബിന്‍ പറഞ്ഞു.