മെഡിക്കൽ മേഖലയിലെ തട്ടിപ്പിനെ കുറിച്ച് കാലങ്ങൾക്കു മുൻപേ വന്ന ചിത്രമാണ് നിർണയം. കാലത്തിന് മുൻപേ സഞ്ചരിച്ച ചിത്രത്തിൽ മോഹൻലാൽ തകർത്തഭിനയിച്ച റോയ് എന്ന കഥാപാത്രം മമ്മൂട്ടിയ്ക് വേണ്ടിയാണ് ആദ്യം എഴുതിയതെന്ന് വെളിപ്പെടുത്തി തിരക്കഥാകൃത്ത് ചെറിയാൻ കല്പകവാടി. മാസ്റ്റർ ബിൻ ചാനലിന് നൽകിയ അഭിമുഖത്തിലാണ് നിർണയത്തിലെ പിന്നാമ്പുറ കഥകൾ അദ്ദേഹം പറഞ്ഞത്.
1995 ൽ സംഗീത് ശിവൻ സംവിധാനം ചെയ്ത ചിത്രമായിരുന്നു നിർണയം. സംഗീത് പറഞ്ഞിട്ട് മമ്മൂട്ടിക്ക് വേണ്ടിയാണ് നിർണയം എഴുതിയത്. എന്തെല്ലാമോ കാരണങ്ങൾ കാരണം ആ പ്രൊജക്ട് നീണ്ടുപോകുകയായിരുന്നു. അദ്ദേഹത്തിന് കഥ ഇഷ്ടപ്പെട്ടിരുന്നെങ്കിലും ചെയ്യാൻ ഡേറ്റ് കിട്ടാത്തതും ഒരു കാരണമായിരുന്നു. ഇതെല്ലാം കഴിഞ്ഞ് പക്ഷേയുടെ ഷൂട്ടിങ്ങിനിടെ മമ്മൂട്ടിക്കായി എഴുതിയ ആ സ്ക്രിപ്റ്റിനെ പറ്റി മോഹൻലാൽ ചോദിച്ചു.
താൻ കഥ പറഞ്ഞപ്പോൾ ലാലിനും താത്പര്യമായി. കൊള്ളാമല്ലോ സാധനം. മ്മമൂട്ടി ചെയ്യുന്നില്ലേൽ ഇത് നമ്മുക്ക് ചെയ്യാമെന്ന് മോഹൻലാൽ പറഞ്ഞു. മമ്മൂട്ടിയോായ് ഇതിനെപ്പറ്റി സംവിധായകൻ സംഗീത് ചോദിച്ചപ്പോൾ പടം ചെയ്യാൻ ഇനിയും നീളുമെന്ന് പറഞ്ഞു. അങ്ങനെയാണ് ആ സിനിമ ലാലിലേക്ക് എത്തുന്നത്. പിന്നീട് മോഹൻലാൽ സിനിമയിലേയ്ക്ക് എത്തിയതോടെ കഥയിൽ കുറച്ച് മാറ്റങ്ങൾ വരുത്തുകയായിരുന്നു.
Read more
മമ്മൂട്ടിക്ക് വേണ്ടി എഴുതിയപ്പോൾ അല്പം കാർക്കശ്യക്കാരനായ ഡോക്ടർ വേഷമാണ് എഴുതിയത്. എന്നാൽ മോഹൻലാൽ വന്നതോടെ സരസനായ ഡോക്ടറിലേയ്ക്ക് എത്തിയത്. അങ്ങനെയാണ് ചിത്രത്തിലെ ആദ്യഭാഗങ്ങളിൽ കുട്ടിയെ കൊണ്ടുവന്നത്. അതുപോലെ നായകന്റെ പുറകെ നടക്കുന്ന നായികയെയായിരുന്നു സിനിമയിൽ ആദ്യം തീരുമാനിച്ചിരുന്നത്. പിന്നീട് അതിൽ മാറ്റം വരുത്തി റെമാൻ്‍റിക്കായ നായകനെ കൊണ്ടുവന്നെന്നും അദ്ദേഹം കൂട്ടിച്ചേർത്തു
