ഞാൻ ഏറ്റെടുത്ത് ചെയ്യുന്നത് വലിയ റിസ്ക് തന്നെയാണ്; വെളിപ്പെടുത്തലുമായി സത്യൻ അന്തിക്കാട്..!

മലയാള സിനിമയിലെ സൂപ്പർ ഹിറ്റ് സംവിധായകരിൽ ഒരാളാണ് സത്യൻ അന്തിക്കാട്. ഇപ്പോഴും ഹിറ്റുകൾ സമ്മാനിക്കുന്ന മലയാളത്തിലെ സീനിയർ സംവിധായകരിൽ ഒരാളാണ് അദ്ദേഹം. ഇപ്പോഴിതാ തന്റെ സിനിമകളുടെ വിജയരഹസ്യം തുറന്നു പറഞ്ഞിരിക്കുകയാണ് സംവിധായകൻ.

താൻ മറ്റുള്ളവർ എടുക്കുന്നതിലും വലിയ റിസ്ക് എടുത്താണ് തന്റെ ഓരോ ചിത്രവും ഒരുക്കുന്നത് എന്നാണ് അദ്ദേഹം. താൻ ഒരുക്കുന്ന സിനിമകൾക്കായി ഉപയോഗിക്കുന്നത് വളരെ കൊച്ചുകഥകൾ ആണെന്ന് അദ്ദേഹം പറയുന്നു.

സിനിമ വിജയിക്കണം എങ്കിൽ സംഘട്ടനവും മറ്റു മസാലകളും കുറെ പാട്ടുകളും നൃത്തവും ഒക്കെ വേണമെന്ന് വിശ്വസിച്ചിരുന്ന കാലം തൊട്ട്, അതൊന്നുമില്ലാതെ സിനിമയെടുത്തു വിജയിപ്പിച്ച ആളാണ് താനെന്നും അങ്ങനത്തെ കൊച്ചുകഥകൾ സിനിമയാക്കുന്നത് തന്നെയാണ് ഏറ്റവും വലിയ റിസ്ക് എന്നും അദ്ദേഹം പറയുന്നു.

ഒരു വലിയ ഇടവേളയ്ക്കു ശേഷം ജയറാമുമായി ഒന്നിക്കുന്ന ഒരു ചിത്രം ഒരുക്കാനുള്ള തയ്യാറെടുപ്പിലാണ് അദ്ദേഹം. ജയറാം- മീര ജാസ്മിൻ ടീമിനെ വെച്ച് ഡോക്ടർ ഇഖ്ബാൽ കുറ്റിപ്പുറം രചിക്കുന്ന ചിത്രമാണ് സത്യൻ അന്തിക്കാട് ഒരുക്കാൻ പോകുന്നത്. ഗ്രാമീണത തുളുമ്പുന്ന ലളിതമായ ചിത്രങ്ങൾ ഒരുക്കാൻ കൂടുതൽ ശ്രമിക്കുന്ന സത്യൻ അന്തിക്കാട് പരീക്ഷണങ്ങൾക്കു മുതിരുന്നില്ല, അല്ലെങ്കിൽ വളരെ സുരക്ഷിതമായ രീതിയിൽ സിനിമ ചെയ്യുന്നു എന്നുള്ള വിമർശനങ്ങൾ ചില കോണുകളിൽ നിന്ന് എപ്പോഴും ഉയരാറുണ്ട്.