തന്റെ പുതിയ ചിത്രം ഗൗഥമിന്റെ രഥത്തിന് ലഭിക്കുന്ന മികച്ച സ്വീകാര്യതയില്‍ വികാരനിര്‍ഭരമായ കുറിപ്പുമായി നടന്‍ നീരജ് മാധവ്. സാറ്റ്‌ലൈറ്റ്
വിലയില്ലാത്ത നടന്റേയും പുതിയ സംവിധായകന്റെയും സിനിമ നിറഞ്ഞ കൈയടികളോടെ വരവേറ്റ പ്രേക്ഷകര്‍ക്ക് നന്ദി പറയുന്നു എന്നാണ് നീരജ് കുറിപ്പില്‍ പറയുന്നത്.
നീരജിന്റെ കുറിപ്പ്…..
സാറ്റ്‌ലൈറ്റ് വിലയില്ലാത്ത കുറെ നാളായി മലയാളത്തില്‍ സിനിമ ചെയ്യാത്ത നടന്‍ , ആദ്യ സിനിമ ചെയ്യുന്ന പുതിയ സംവിധായകന്‍, വിശ്വസിച്ചു കാശിറക്കിയ നിര്‍മാതാവ്, കട്ടയ്ക്ക് കൂടെ നിന്ന കുറച്ചു സുഹൃത്തുക്കള്‍. ഇന്നലെ വെള്ളിയാഴ്ച്ച ദിവസം ഞങ്ങളുടെ സിനിമയുടെ വിധിയും കാത്തു തിയറ്ററില്‍ ഏറ്റവും പുറകിലെ നിരയില്‍ ഞങ്ങളെല്ലാവരും ഒരുമിച്ചുണ്ടായിരുന്നു. തീരാക്കഥ എന്ന ഗാനത്തില്‍ പടം തീര്‍ന്നു ഋിറ രൃലറശെേ തുടങ്ങിയപ്പോള്‍ നിലയ്ക്കാത്ത കയ്യടി. സത്യം പറഞ്ഞാ കണ്ണു നിറഞ്ഞുപോയി, നല്ല സിനിമയെ കൈവിടാത്ത പ്രേക്ഷകരും കൂടെയുണ്ടെന്നറിഞ്ഞ വല്ലാത്ത ഒരു സന്തോഷം! നന്ദി ഒരുപാട് നന്ദി.
https://www.instagram.com/p/B8Bjn2jlVy1/?utm_source=ig_web_copy_link
Read more
തിയേറ്ററില്‍ നിന്നുള്ള ഒരു വീഡിയോയും നീരജ് പങ്കുവെച്ചിട്ടുണ്ട്. കിച്ചാപ്പൂസ് എന്റര്‍ടൈന്‍മെന്റ്‌സിന്റെ ബാനറില്‍ കെ.ജി അനില്‍കുമാര്‍ നിര്‍മ്മിച്ച് ആനന്ദ് മേനോന്‍ സംവിധാനം ചെയ്യുന്ന ചിത്രമാണ് ഗൗതമിന്റെ രഥം. നീരജ് മാധവന്‍ നായകന്‍ ആവുന്ന ചിത്രത്തില്‍ പുണ്യ എലിസബത്താണ് നായിക. രഞ്ജി പണിക്കര്‍, ബേസില്‍ ജോസഫ് എന്നിവര്‍ ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു.
