ഇടക്കാലത്ത് കുറേ സിനിമകളില് ശ്രദ്ധേയമായ കഥാപാത്രങ്ങള് ചെയ്ത് സജീവമായി നിന്ന നീരജ് മാധവിനെ അവസാനം കണ്ടത് പൈപ്പിന് ചുവട്ടിലെ പ്രണയത്തിലായിരുന്നു. നീരജ് എവിടെ എന്ന ചോദ്യമുയര്ന്നപ്പോഴാണ് ആമസോണ് പ്രൈം വെബ് സീരീസായ ദ ഫാമിലി മാന് ചെയ്യുകയാണെന്ന് താരം വെളിപ്പെടുത്തിയത്. ഇതില് അഭിനയിക്കാന് ഒരു ഹിന്ദി സൂപ്പര് ഹിറ്റ് ചിത്രം ഉപേക്ഷിച്ചെന്നാണ് നീരജ് പറയുന്നത്.
“ദംഗലിന്റെ സംവിധായകന് നിതേഷ് തിവാരി ഒരുക്കിയ ചിച്ചോരെ എന്ന ചിത്രത്തില് നിന്ന് ക്ഷണം ലഭിച്ചിരുന്നു. ഒരു സൗത്ത് ഇന്ത്യന് കഥാപാത്രമായിരുന്നു അത്. സീരീസിന്റെ തിരക്കുകള് കാരണം വേണ്ടെന്ന് വയ്ക്കുകയായിരുന്നു. ഭാവിയില് സിനിമാ ഇന്ഡസ്ട്രികള് തമ്മിലുള്ള മതില് പൊളിയും എന്നാണ് കരുതുന്നത്. ബോളിവുഡില് നിന്ന് അവസരങ്ങള് വന്നാല് സ്വീകരിക്കും. പക്ഷേ ഇവിടം വിട്ട് പോകാന് ഉദ്ദേശിക്കുന്നില്ല.” മാതൃഭൂമിയുമായുള്ള അഭിമുഖത്തില് നീരജ് പറഞ്ഞു.
Read more
രണ്ട് മണിക്കൂര് സിനിമയേക്കാള് വലിയ ജോലികളാണ് സീരീസിന്റെ പിന്നിലുള്ളതെന്നും നീരജ് പറഞ്ഞു. സീരീസില് മൂസ റഹ്മാന് എന്ന് പേരുള്ള ഒരു തീവ്രവാദിയായാണ് നീരജ് എത്തുന്നത്.