മികച്ച കഥാപാത്രങ്ങളിലൂടെ കുറഞ്ഞ കാലം കൊണ്ട് മലയാളത്തിലെ മുന്നിര നായികയായി ഉയര്ന്ന നടിയാണ് നമിതാ പ്രമോദ്. മലയാളത്തിന് പുറമെ തമിഴ്, തെലുങ്ക് ഭാഷകളിലും നമിത അഭിനയിച്ചു. വളര്ച്ചയ്ക്കൊത്ത് നമിതയെ ചുറ്റിപ്പറ്റി ഗോസിപ്പുകളും ഉയര്ന്നു. ഇപ്പോഴിതാ അത്തരം ഗോസിപ്പുകളോട് പ്രതികരിച്ചിരിക്കുകയാണ് നമിത. നടന് ദിലീപുമായി ചേര്ത്താണ് കൂടുതല് ഗോസിപ്പുകള് വന്നിരിക്കുന്നതെന്ന് നമിത പറയുന്നു.
“ഗോസിപ്പുകളൊക്കെ ഇടക്കിടെ വന്നു പോകാറുണ്ട്. ദിലീപേട്ടന്റെ പേരിലാണ് ഏറ്റവും കൂടുതല് ഗോസിപ്പ്സ് കേട്ടിട്ടുള്ളത്. പല സ്റ്റോറികളും വായിക്കുമ്പോള് ഞാന് ചിരിച്ചു മരിക്കും. ഒരു കാര്യം അറിയുമോ, ഞാനും ദിലീപേട്ടന്റെ മകള് മീനാക്ഷിയും തമ്മില് നാല് വയസിന്റെ വ്യത്യാസമേയുള്ളൂ.”
Read more
“പിന്നെ, ഞാനൊക്കെ വിചാരിച്ചാല് ഒരു ബോയ്ഫ്രണ്ടിനെ ഉണ്ടാക്കാനും ഡേറ്റിംഗിന് പോകാനുമൊന്നും വല്യ ബുദ്ധിമുട്ടുമില്ല. അല്ലാതെ എന്റെ അച്ഛനെ പോലെ കാണുന്നവര്ക്കൊപ്പം എനിക്ക് ഡേറ്റ് ചെയ്യേണ്ട വല്ല കാര്യവുമുണ്ടോ? കേരളത്തിലോ, അല്ലേല് ഇന്ത്യയില് ആണ് പിള്ളേര്ക്ക് ഇത്രക്ക് ക്ഷാമമോ. അപ്പോ പറഞ്ഞു വന്നത് ഇത്രേയുള്ളൂ കഥകള് ഇറക്കുന്നവര് കുറച്ച് കോമണ്സെന്സ് കൂടി കൂട്ടി ചേര്ത്ത് കഥ ഉണ്ടാക്കണം.” വനിതയുമായുള്ള അഭിമുഖത്തില് നമിത പറഞ്ഞു.