മുകേഷ് പറയുന്ന സിനിമാകഥകള് ഏറെ പ്രസിദ്ധമാണ്. മുകേഷ് കഥകള് എന്ന പേരില് എം.എല്.എ കൂടിയായ മുകേഷ് പുസ്തകവും രചിച്ചിട്ടുണ്ട് . ഇപ്പോഴിതാ നടന് തന്റെ കഥകള് വീഡിയോ രൂപത്തില് അവതരിപ്പിക്കാന് ഒരുങ്ങിയിരിക്കുകയാണ്. മുകേഷ് സ്പീക്കിംഗ് എന്ന് പേരിട്ടിരിക്കുന്ന യുട്യൂബ് ചാനല് മമ്മൂട്ടിയും മോഹന്ലാലും ചേര്ന്നാണ് റിലീസ് ചെയ്തത്. സെപ്റ്റംബര് 26 മുതലാണ് യൂട്യൂബ് ചാനല് പ്രവര്ത്തിച്ചു തുടങ്ങുന്നത്.
പണ്ട് തിക്കുറുശ്ശി ചേട്ടന് ഉണ്ടായിരുന്നപ്പോള് രസകരമായ ധാരാളം കഥകള് പറഞ്ഞിരുന്നെന്നും ഈ കഥകള് അദ്ദേഹത്തിന്റെ കാലശേഷത്തോടെ ഇല്ലാതായെന്നും മോഹന്ലാല് ഒരിക്കല് വളരെ വിഷമത്തോടെ തന്നോട് പറഞ്ഞിരുന്നതായി മുകേഷ് പറഞ്ഞു.
Read more
തനിക്കറിയാവുന്ന കഥകളെല്ലാം ഡിജിറ്റല് കാലത്ത് ഡോക്യുമെന്റ് ചെയ്യണമെന്ന് തന്നോട് മോഹന്ലാല് പറഞ്ഞിരുന്നെന്നും മുകേഷ് പറഞ്ഞു. നാടകപ്രവര്ത്തകരായ ഒ. മാധവന്റെയും വിജയകുമാരിയുടെയും മകനായിട്ടാണ് മുകേഷ് ജനിച്ചത്. 1982 ലെ ബലൂണ് ആയിരുന്നു അദ്ദേഹത്തിന്റെ ആദ്യ സിനിമ.