പൃഥ്വിരാജ് മനസ്സില്‍ കണ്ട സിനിമ പ്രേക്ഷകരിലേക്ക് എത്തിക്കുകയെന്നത് ഭാരിച്ച ജോലിയായിരുന്നു; ലൂസിഫറിനെ കുറിച്ച് മോഹന്‍ലാല്‍

മോഹന്‍ലാലിനെ നായകനാക്കി ആശിര്‍വാദ് സിനിമാസ് ഒരുക്കുന്ന രണ്ട് വമ്പന്‍ സിനിമകളാണ് ലൂസിഫറും മരയ്ക്കാര്‍ അറബിക്കടലിന്റെ സിംഹവും ഇരു ചിത്രങ്ങള്‍ക്കും വേണ്ടിയുള്ള കാത്തിരിപ്പിലാണ് ആരാധകര്‍. ഇതില്‍ ലൂസിഫര്‍ പൃഥ്വിരാജ് ആദ്യമായി സംവിധാനം ചെയ്യുന്ന സിനിമയാണെന്ന പ്രത്യേകത കൂടിയുണ്ട്. ചിത്രത്തെക്കുറിച്ച് ഇപ്പോള്‍ മനസ്സുതുറന്നിരിക്കുകയാണ് മോഹന്‍ലാല്‍.

പൃഥ്വിരാജിന്റെ മനസ്സിലുള്ള ചിത്രം പ്രേക്ഷകരിലെത്തിക്കുകയെന്നത് വളരെ ഭാരിച്ച ഒരു ഉത്തരവാദിത്വമായിരുന്നുവെന്ന് മോഹന്‍ലാല്‍ വ്യക്തമാക്കി. മാനസികമായി ഏറെ അടുപ്പത്തില്‍ കഴിയുന്ന കുടുംബങ്ങളുടെ ഒത്തുചേരല്‍ കൂടിയാണ് ലൂസിഫറിലൂടെ നടക്കുന്നതെന്നും അദ്ദേഹം പറഞ്ഞു.

പൃഥ്വിരാജ് മനസ്സില്‍ക്കണ്ട സിനിമ പ്രേക്ഷകരിലേക്കെത്തിക്കുകയെന്നതൊരു ഭാരിച്ച ജോലിയായിരുന്നു, മാസങ്ങളായി മറ്റെല്ലാ പ്രവൃത്തികളും മാറ്റിവെച്ച് വലിയൊരു സംഘം അതിനായി അണിയറയില്‍ പരിശ്രമിക്കുന്നു. പറയുന്ന കാര്യങ്ങള്‍ പരസ്പരം പെട്ടെന്ന് കമ്യൂണിക്കേറ്റ് ചെയ്യാന്‍ കഴിയുന്നു എന്നതാണ് എന്നെയും രാജുവിനെയും അടുപ്പിക്കുന്ന ഘടകം”” ലൂസിഫറിന്റെ അണിയറവിശേഷങ്ങളെക്കുറിച്ച് മോഹന്‍ലാല്‍ പറഞ്ഞു. മാര്‍ച്ച് 28ന് കേരളത്തില്‍ നാനൂറിലധികം തിയേറ്ററുകളില്‍ ലൂസിഫര്‍ പ്രദര്‍ശനത്തിനെത്തും.