എന്റെ ജീവിതത്തിലും കരിയറിലും ഏറ്റവും സ്വാധീനിച്ച പുരുഷന്‍ അദ്ദേഹമാണ്‌: തുറന്നുപറച്ചിലുകളുമായി മഞ്ജു വാര്യര്‍

“ലൂസിഫറി”ന്റെ ചിത്രീകരണത്തിന് ഒരു വര്‍ഷം മുമ്പായിരുന്നു മഞ്ജു വാര്യരുടെ അച്ഛന്‍ മാധവന്‍ വാര്യര്‍ മരിക്കുന്നത്. അച്ഛന്റെ മരണം ഒരിക്കലും റിക്കവര്‍ ആകാത്ത വിഷമം തന്നെയാണെന്ന് തുറന്നുപറഞ്ഞിരിക്കുകയാണ് മഞ്ജു. ലൂസിഫറില്‍ അച്ഛന്റെ ചിത കത്തിക്കുന്ന സീനൊക്കെ വളരെ വികാരപരമായാണ് അഭിനയിച്ചതെന്ന് താരം പറഞ്ഞു.

“”അച്ഛന്റെ മരണം കഴിഞ്ഞ് ഒരു വര്‍ഷത്തിനുള്ളിലായിരുന്നു ലൂസിഫറിന്റെ ഷൂട്ടിങ്. അച്ഛന്റെ ചിത കത്തിക്കുന്ന സീനൊക്കെ വളരെ വികാരപരമായാണ് അഭിനയിച്ചത്. എന്റെ ജീവിതത്തിലും കരിയറിലും ഏറ്റവും സ്വാധീനിച്ച പുരുഷന്‍ അച്ഛനാണ്. എല്ലാവരുടെ ജീവിതത്തിലും നമ്മള്‍ പോലും അറിയാതെ സ്വാധീനിക്കുന്ന ആള്‍ അച്ഛന്‍ തന്നെയാകും. അച്ഛന്റെ മരണം ഒരിക്കലും റിക്കവര്‍ ചെയ്യാനാകാത്ത ഒരു വിഷമം തന്നെയാണ്. അന്നും ഇന്നും ആ വിഷമം അതുപോലെ തന്നെയുണ്ട്”” എന്ന് മഞ്ജു ഒരു അഭിമുഖത്തിനിടെ വ്യക്തമാക്കി.

“ചതുര്‍മുഖം” എന്ന ഹൊറര്‍ ത്രില്ലറിലാണ് മഞ്ജു ഇപ്പോള്‍ അഭിനയിക്കുന്നത്. സണ്ണി വെയ്‌നാണ് ചിത്രത്തില്‍ നായകനായെത്തുന്നത്. “പ്രതി പൂവന്‍കോഴി”യാണ് മഞ്ജുവിന്റെതായി ാെടുവില്‍ പുറത്തിറങ്ങിയ ചിത്രം.