നടന് മാമുക്കോയയുടെ ഒരു പഴയ അഭിമുഖമാണ് ഇപ്പോള് സോഷ്യല്മീഡിയയില് വൈറലാകുന്നത്. സിനിമയില്ലാതെ ജീവിക്കുന്നതിനെക്കുറിച്ച് തനിക്ക് ഭയമൊന്നും തോന്നിയിട്ടില്ലെന്നാണ് അഭിമുഖത്തില് അദ്ദേഹം പറയുന്നത്. എല്ലാം ദൈവമൊരുക്കുന്ന വഴികളായാണ് താന് കരുതുന്നതെന്നും അദ്ദേഹം വ്യക്തമാക്കി.
‘സിനിമയില്ലാതെ ജീവിക്കുന്നതിനേ കുറിച്ചും എനിക്ക് പേടിയില്ല. മുമ്പ് തടി അളക്കുന്ന ജോലിയുമായി ബന്ധപ്പെട്ട് 22 വര്ഷം കേരളത്തില് മുഴുവന് കറങ്ങിയതാണ് ഞാന്. ദുഖത്തിലും സുഖത്തിലും സ്വയം മറക്കുന്ന മനസ്സല്ല എന്റേത്. എല്ലാം ദൈവമൊരുക്കുന്ന വഴികളല്ലേ”
സിനിമയില് ഏത് കഥാപാത്രം കിട്ടിയാലും താന് അതിന്റെ സ്വഭാവം ചെയ്യുമെന്ന് മാമൂക്കോയ പറയുന്നു.
Read more
”ഏത് കഥാപാത്രം കിട്ടിയാലും അതിന്റെ സ്വഭാവം പഠിക്കും. കായംകുളം കൊച്ചുണ്ണിയെ കിട്ടിയാലും അതിവിദഗ്ദ്ധമായി അതിനുള്ള ശ്രമം നടത്തും. വടക്കന് വീരഗാഥയില് ചന്തുവിന്റെ വേഷം കിട്ടിയാല് എനിക്ക് പറ്റുന്നതു പോലെ ഞാനും അഭിനയിക്കും. അത്ര തന്നെ. മുച്ചീട്ടു കളിക്കാരനിലെ എട്ടുകാലി മമ്മൂഞ്ഞും മണ്ടന് മുത്തപ്പയുമൊക്കെ എന്നെ ആകര്ഷിച്ച കഥാപാത്രങ്ങളാണ്.’