പൃഥ്വിരാജ് ചിത്രം ‘കുരുതി’ നാളെ ആമസോണ്‍ പ്രൈമില്‍ റിലീസ് ചെയ്യുകയാണ്. ചിത്രത്തെ കുറിച്ച് നടന്‍ റോഷന് മാത്യുവും പൃഥ്വിരാജും പറഞ്ഞ വാക്കുകള്‍ പ്രേക്ഷകരുടെ ശ്രദ്ധ ആകര്‍ഷിച്ചിരുന്നു. ലൊക്കേഷന്‍ വിശേഷങ്ങളടക്കം പങ്കുവയ്ക്കുകയാണ് താരങ്ങള്‍ ഇപ്പോള്‍.
പൃഥ്വിരാജിന്റെ ഊര്‍ജത്തെ കുറിച്ചാണ് റോഷന് മാത്യു പറയുന്നത്. സെറ്റിലെ എല്ലാവരും പൃഥ്വിരാജ് ക്ഷീണത്തിന്റെ എന്തെങ്കിലും ചെറിയ അംശം കാണിക്കുന്നുണ്ടോയെന്ന് കാണാന്‍ ഉത്സുകരായി കാത്തിരുന്നതായി റോഷന് വെളിപ്പെടുത്തുന്നു. കുരുതിയുടെ സെറ്റില്‍ മാമുക്കോയ പ്രദര്‍ശിപ്പിച്ചിരുന്ന മാസ്മരികതയെ കുറിച്ച് പൃഥ്വിരാജും റോഷനും ഒരുപോലെ വാചാലരായി.
മാമുക്കോയയില്‍ നിന്നും ഏറെ പഠിക്കാനുണ്ടെന്നും ഇരുവരും പറഞ്ഞു. ഷൂട്ടിനിടയില്‍ മാമുക്കോയയ്ക്ക് വിശ്രമിക്കാന്‍ അവസരം നല്‍കിയിരുന്നെങ്കിലും അദ്ദേഹം ഊര്‍ജസ്വലനായി സെറ്റില്‍ കറഞ്ഞി നടക്കുകയും തന്റെ കഥാപാത്രത്തിന് അനുയോജ്യമായ അഭിനയം കാഴ്ചവയ്ക്കുകയും ചെയ്തിരുന്നുവെന്നും പൃഥ്വിരാജ് പറഞ്ഞു.
കുരുതിയെക്കുറിച്ചും അതില്‍ ഭാഗമാകുന്ന പ്രമുഖ താരങ്ങളെയും കുറിച്ച് ആദ്യം കേട്ടപ്പോള്‍ അതില്‍ അഭിനയിക്കുന്നതിനെ കുറിച്ചും കഥാപാത്രത്തോട് നീതി പുലര്‍ത്താന്‍ കഴിയുമോയെന്ന കാര്യത്തിലും റോഷന് സംശയം ഉണ്ടായിരുന്നു. എന്നാല്‍ റോഷന്റെ സംശയങ്ങള്‍ അസ്ഥാനത്തായിരുന്നു എന്നാണ് ചിത്രത്തിന്റെ ട്രെയിലര്‍ പുറത്തുവന്നപ്പോള്‍ മനസിലായത്.
രാവിലെ 8-ന് ആരംഭിച്ച് രാത്രി 10 വരെ പോകുന്ന ഷൂട്ടിങ് ക്രമമായിരുന്നുവെന്ന് താരങ്ങള്‍ വാര്‍ത്താസമ്മേളനത്തില്‍ വെളിപ്പെടുത്തി. അതുകൊണ്ട് തന്നെ 24 ദിവസത്തെ റെക്കോര്‍ഡ് സമയം കൊണ്ട് ചിത്രീകരണം പൂര്‍ത്തിയാക്കാന്‍ കഴിഞ്ഞു.
Read more
ലോക്ഡൗണ്‍ കാരണം വീട്ടില്‍ തന്നെ കഴിയേണ്ടി വന്ന സമയത്താണ് കുരുതിയുടെ തിരക്കഥ ശ്രദ്ധയില്‍പ്പെട്ടതെന്ന് പൃഥ്വിരാജ് ഏതോ സംസാരത്തിനിടെ പറയുകയുണ്ടായി. ഉചിതമായ സമയത്ത് എല്ലാ കാര്യങ്ങളും ശരിയായി വന്നതില്‍ സന്തോഷമുണ്ടെന്നും അദ്ദേഹം പറയുകയുണ്ടായി. തിരക്കഥ വളരെയേറെ ഇഷ്ടപ്പെട്ട പൃഥ്വിരാജ് ചിത്രം നിര്‍മിക്കാമെന്ന് ഏല്‍ക്കുകയായിരുന്നു.
